1 Äl efrajmicǎ phende le Gedeonosqe:

— Sar daśtisajlǎn te phirados kadǎ amença? Sosθe ni dinǎn i amen muj kana gelǎn te mardos le madianicença?

Haj ruje pes lesθe.a Źudekätori 12:1 2 Ov phendǎs lenqe:

— So kerdem me maj but tumenθar? Naj ćaćo kä so kidel o Efraim päće kidinǎjlis e drakh si maj laćho de sar saoro kidimos le rezjaqo le Abiezeresqo, ⸤muro phuro⸥? 3 Anθä tumaro vast dinǎs o Del le maj baren le madianicenqe, le Orebos haj le Zebos. So daśtisajlem me te kerav maj but dä sar tumenθe?

Pala so phendǎ lenqe kadal vorbe, potolisajli lenqi xoli.

4 Pala kodoja o Gedeon areslos k-o Jordano haj nakhlǎs les anθ-äk than le trine śälença manuś save sas leça, khine, dar sa ʒanas pala o duśmano. 5 Ov phendǎs le manuśänqe anθa o Sukoto:

— Rugiv tumen, den niśte bokolǎ marnesqe le manuśän kaj si mança, kä si khine haj me sa ʒav pala o Zebah haj o Calmuna, äl thagara le Madianosqe.

6 Dar äl maj bare anθa o Sukoto phende:

— Deźa si o Zebah haj o Calmuna anθä kǒ vast kaśte das marno ke armata?

7 O Gedeon phendǎs lenqe:

— Deć kadǎ, miśto, pala so o Raj va dela le Zebahos haj le Calmunas anθä muro vast, si te pharavav tumaro mas mamuxença haj karnença anθa-i mulani.

8 Othar uśtilos k-o Peniel haj manglǎs sa kodoj buki. Äl manuś anθa o Peniel phende lesqe sa kadǎ sar phendesas lesqe äl manuś anθa o Sukot. 9 Atunć ov phendǎs i le manuśänqe anθa o Peniel:

— Kana va riva man sastevesto, va peravava kadav turno.

10 O Zebah haj o Calmuna sas anθ-o Karkor. Lença anθ-äk than sas i lenqi armata, kam deśupanʒ mi manuś, sǎ kaj maj aćhilesas anθa-i armata le poporenqi anθa o räsärito, kä pele mudarde äk śäl haj biś mi manuś bätajaqe. 11 O Gedeon uśtilos p-o drom kolenqo kaj beśen anθ-äl korturi k-o räsärito kaθar o Nobah haj o Jogbexa, haj mardǎs e tabära, savi pakǎlas pes bi griźaqo. 12 O Zebah haj o Calmuna naśle, dar ov lilǎs pes pala lenθe, astardǎs le duje thagaren haj daradǎs haj naśadǎs saorï armata.

13 Pala kodoja o Gedeon le Joaśosqo risajlos kaθar o marimos haj nakhlos maśkar äl munci paśa o Plaj Heres. 14 Astardǎs äk tärnes anθa-l manuś anθa o Sukot haj puślǎs les sar bućhon äl maj bare. Kadava dinǎs les ramome äl anava le maj barenqe haj le phurenqe anθa o Sukoto: jeftadeśa haj jefta murś. 15 Ov gelos k-äl manuś anθa o Sukoto haj phendǎs:

— Dikhen le Zebahos haj le Calmunas, anθa-i kauza savenqi marden tumenqe źoko phenindos: «Si deźa o Zebah haj o Calmuna anθä kǒ vast te das marno ke manuśän khine?»

16 Lilǎs le phuren le forosqe haj pedepsisardǎs le manuśän anθa o Sukoto mamuxença haj karnença anθa-i mulani. 17 Haj peradǎs o turno anθa o Peniel haj mudardǎs le murśän le forosqe.

18 Atunćǎ phendǎs le Zebahosqe haj le Calmunasqe:

— Sar sas äl murś saven mudarden len k-o Tabor?

On phende:

— Sas sar tuθe, fiosavo amǎlas äk ćhaveça thagaresqo.

19 Ov phendǎs:

— Sas mïrä phral, äl ćhave mïrä daqe. Ʒuvindo si o Raj, kä te afi muklenas len ʒuvinde, ni mudaravas tumen akanak!

20 Haj phendǎs le Jeterosqe, lesqo angluno kerdo:

— Ʒa haj mudar len!

Dar o tärno ni ïnkaladǎs e sabia, kä sas lesqe dar, kä sas prea tärno. 21 Atunć o Zebah haj o Calmuna phende:

— Mudar amen kjar tu! Sar si o murś, kadǎ si lesqo zuralimos!

Haj o Gedeon uśtilos haj mudardǎs le Zebahos haj le Calmunas, haj lilǎs äl länciśorǎ kaj sas ke kor lenqe kämilenqi.

22 Äl murś le Israelosqe phende le Gedeonosqe:

— Anθa kodoja kä xastradǎn amen anθa o vast le madianicenqo, stäpïnisar pä amenθe tu, kǒ ćhavo haj o ćhavo ke ćhavesqo!

23 O Gedeon phendǎs lenqe:

— Na me, haj nić muro ćhavo ni va stäpïnisa pä tumenθe. Numa o Raj va stäpïnila pä tumenθe.

24 Dar o Gedeon maj phendǎs lenqe:

— Kamav te mangav tumenqe dajći: de man fiosavo po-k toarta anθa tumari prada!

(Kä lenqe duśmaja phiravenas toarθe sumnakasqe kä sas ismaelicǎ.) 25 On phende:

— Siguro das len tuqe.

Haj ïntinzosarde äk mantaua haj fiosavo manuś ćhutǎs pä la äl toarθe lile prada.b Eksodo 32:2-3; 35:5-29 26 O pharimos le toartenqo sumnakune save manglǎs len areslos äk mia haj jefta śäla siklǎ sumnakasqe,* 1700 siklǎ si kam 20 okale. bi le śukarimatenqo haj bi le śïrurenqo haj äl coale le purpuraqe save phiravenas len äl thagara le Madianosqe haj bi le länciśorenqo kaθar e kor lenqe kämilenqi. 27 O Gedeono kerdǎs anθa lenθe äk idolo haj ćhutǎs les anθä pǒ foro, Ofra. Haj saoro Israelo kurvisardǎs leça othe ⸤ïnkinondos pes lesθe⸥ haj kadǎ kerdilos äk tharimos anθa o Gedeon haj lesqi famelia.

28 Äl madianicǎ sas bangǎrde angla äl israelicǎ haj ni maj vazde pe śäre opre. Kadǎ kä le themos sas les paćǎ timpo saranda bärśenqo, p-o timpo le Gedeonosqo.

29 Vo, phendo i Jerub-Baxal le Joaśosqoc Źudekätori 6:32 gelos khere haj beślos othe. 30 Le Gedeonos kerdǎs jeftadeśa ćhave, kä sas les maj but rromnǎ. 31 Ek roaba kaj sas lesqi rromni, savi beśelas anθ-o Śexem, i oj kerdǎs lesqe äk ćhavo, haj o Gedeon ćhutǎs lesqo anav Abimelek† Abimelek xakǎrdol „moro dad si thagar”.. 32 O Gedeon le Joaśosqo mulos k-äk śukar phurimos haj sas praxome anθ-o than le praxomasqo lesqe dadesqo Joaś, anθ-o foro Ofra le Abiezerenqo.

33 Päće mulos o Gedeon, äl israelicǎ pale boldinǎjle haj kurvisarde ⸤le devlença le kanaanicenqe⸥, äl Bahal. On kerde le Baxalos-Berit sar lenqo del.‡ Baxal-Berit xakǎrdol „o Raj le Phanglimasqo”. 34 Haj äl israelicǎ bistarde le Rajes, lenqe Devles, savo xastradǎsas len anθa o vast saorä duśmaenqo kaj ïnkonźurisarde len.d Salmi 78:11-42; 106:13-21 35 Haj ni maj sas ćaće le familiaça le Jerub-Baxalosqi, o Gedeon, pala saoro miśtimos kaj ov kerdǎs le Israelosqe.