12
Păce mudarde le Iakovos, phandade le Petres
Kam ando timpo kodova, o thagar o Irod ciuteas o vast pă niște manuș andai khangheri te kerel lenghe nasul. Mudardeas le sabiasa le Iakovos, o phral le Ioanosko. Kana dikhleas kă le evreen placiol len e buki kadaia, mai ciuteas o vast i po Petre. Sas ăl ghesa bare le Azimenghe.a Exodo 12:17 Păce astardea les, ciutea les and-e temnița. Dinea les păl vast ștare ceatengo po ștar soldațea and-e ceata. Kamnos te înkalavel les angla o poporo pala o baro ghes le Nakhimasko* O baro ghes le Nakhimasko si kăl evreea o ghes kana den pen goghi de kana inklistes andai Egipto.. Kadea kă o Petre sas înkeardo and-e temnița, hai e khangheri rughilas pes anda leste le Devleske iagasa.
Ăk îngero hastravel le Petres anda o phandaiimos
Kana o Irod sas te înkalavel les kaște krisol les, ăk rakeasa mai anglal o Petre sovelas mașkar dui soldațea phanglo duie lanțurența, hai aver soldațea păzinas e temnița ko udar. Andak data ăk îngero le Raiesko beșlos pașa leste hai strălucisardeas ăk lumina and-e celula. Dindos dab ăl prașave le Petreske, o îngero vazdea les hai phendea:
— Uști sigo!
Hai ăl lanțuri peles tele pa leske vast. Pala kodoia ov phendeas leske:
— Phande ki haravli hai ciu ke sandale andăl pîrne!
Hai ov kadea kerdeas. Hai o îngero phendea leske:
— Le ki haina pă tute hai av pala mande!
Înklistindos avri ov ghelos pala leste dar ni gianelas kă si ciaces so kerelas o îngero. Pakealas kă si ăk dikhimos. 10 Păce nakhles katar e angluni hai le donghi straja, aresles ke poarta le sastreski savi del ando foro. Kadaia putardilis korkoro angla lende, înklistes hai gheles ăk ulița. Hai andak data o îngero teleardea lestar. 11 Atunci o Petre, dindos pi seama so kerdineailosas, phendea peske:
— Akanak gianav ciaces kă o Rai dineas drom pe îngeros hai hastradea man anda o vast le Irodosko hai katar sea so ajukearelas o poporo evreeo.
12 Kana dineas pi seama anda kadaia, ghelos ko kher le Mariako, e dei le Ionoski saveske mai phendolas i Marko, kai sas but kidine hai rughinas pes. 13 Kana ov mardeas ko udar katar e intrarea, ăk slujnika po anav Roda ghelis te dikhel kon si. 14 Pringiandeas o glaso le Petresko hai dă bukuriie ni putardeas o udar, hai nașlis andră hai phendea lenghe kă o Petre beșel ke poarta. 15 On phende lake:
— San dili!
Dar oi sa phenelas kă kadea si. Dar on phenenas:
— Si lesko îngero.
16 Dar o Petre sa marelas ko udar. Kana putardes, dikhle les hai aciles kremenime. 17 Pala kodoia o Petre kerdea lenghe semno le vastesa te acion hai phendea lenghe sar înkaladea les o Rai anda o phandaiimos. Mai phendeas:
— Phenen kadala le Iakovoske hai le phralenghe!
Pala kodoia înklistos hai ghelos andă aver than.
18 Kana kerdilos ghes, e tulburarea nas țîini mașkar ăl soldațea. On pucenas pes so kerdilos le Petresa. 19 O Irod, păce rodea les hai ni arakhlea les, lileas kăl pucimata le gărzen hai poruncisardeas te mudaren len. Pala kodoia teleardeas andai Iudeea ke Cezareea, hai beșelas othe.
O merimos le Irodosko
20 Hai o Irod sas but holeame păl manuș anda o Tir hai anda o Sidon. Dar kadala aviles andăk gîndo leste hai păce liles andă pi rig le Blastos, savo sas o mai baro pe odaia le sovimaski le thagareski, mangles pacea, kăci lengo them lelas hamos anda o them le thagaresko.
21 Andăk ghes hotărîme, o Irod hureadilos pe țoalența thagarane, beșlos po skauno le thagarimasko hai delas duma le manușănghe kidine. 22 Ăl manuș denas mui:
— Si o glaso ăk zeeosko, na manușăsko!
23 Po than dinea les dab ăk îngero le Raiesko anda kodoia kă ni phenelas kă o Del si o baro, hai halo kermendar mulos.
24 Hai o kuvînto le Devlesko răspîndilas pes sa mai but hai bareolas.
O Pavel hai o Barnaba dine drom katar e khangheri
25 O Barnaba hai o Saul, păce termenisardes pi buki ando Ierusalimo, risailes, lindos pesa le Ionos, phendo i Mark.

a12:3 Exodo 12:17

*12:4 O baro ghes le Nakhimasko si kăl evreea o ghes kana den pen goghi de kana inklistes andai Egipto.