1 Kate ïnćepol o ramomos anθa-l bukǎ save kerdǎ len o njamo le Adamosqo. Kana kerdǎs o Del le manuśäs, kerdǎ les te amǎl leça. 2 Kerdǎ len murś haj ʒuvli, binekuvintisardǎ len haj dinǎ len o anav dä „manuś” kana sas kerde.

3 K-o phurimos äk śälaqo haj trǎnda bärś le Adamosqe, kerdinǎjlos lesqe äk ćhavo kaj amǎlas leça haj sas sar lesθe, haj ćhutǎs lesqo anav Set. 4 Pala so kerdilos o Set, o Adam traisajlos oxtośäla bärś, haj kerdinǎjles lesqe ćhave haj ćheja. 5 Saorä ges kaj traisajlos o Adam sas ïnǎśäla haj trǎnda bärś. Pala kodoja mulos.

6 K-o phurimos äk śälaqo haj panʒ bärś le Setosqe, kerdinǎjlos lesqe o Enos. 7 Pala so kerdinǎjlos o Enos, o Set maj traisajlos oxto śäla haj jefta bärś haj kerdinǎjles lesqe ćhave haj ćheja. 8 Saorä ges le Setosqe sas ïnǎśäla haj deśuduj bärś, pala kodoja mulos.

9 K-o phurimos le ïnǎdeśa bärśenqo le Enososqe, kerdinǎjlos lesqe o Kajnan. 10 Pala so kerdilos o Kajnan, o Enos maj traisajlos oxto śäla haj deśupanʒ bärś haj kerdinǎjles lesqe ćhave haj ćheja. 11 Saorä ges le Enososqe sas ïnǎ śäla haj panʒ bärś, pala kodoja mulos.

12 K-o phurimos le jeftadeśa bärśenqo le Kajnanosqe, kerdinǎjlos lesqe o Mahalalel. 13 Pala so kerdinǎjlos o Mahalalel, o Kajnan maj traisajlos oxto śäla haj saranda bärś, haj kerdinǎjles lesqe ćhave haj ćheja. 14 Saorä ges le Kajnanosqe sas ïnǎ śäla haj deś bärś, pala kodoja mulos.

15 K-o phurimos le śovardeśenqo haj panʒ bärś le Mahalalelosqe, kerdinǎjlos lesqe o Jared. 16 Pala so kerdinǎjlos o Jared, o Mahalalel maj traisajlos oxto śäla haj trǎnda bärś, kerdinǎjles lesqe ćhave haj ćheja. 17 Saorä ges le Mahalalelosqe sas oxto śäla haj ïnǎdeśa haj panʒ bärś, pala kodoja mulos.

18 K-o phurimos äk śälaqo haj śovardeś haj duj bärś le Jaredosqe, kerdinǎjlos lesqe o Enoh. 19 Pala so kerdinǎjlos o Enoh, o Jared maj traisajlos oxto śäla bärś, haj kerdinǎjles lesqe ćhave haj ćheja. 20 Saorä ges le Jaredosqe sas ïnǎ śäla haj śovardeś haj duj bärś, pala kodoja mulos.

21 K-o phurimos le śovardeśenqo haj panʒ bärś le Enohosqe, kerdinǎjlos lesqe o Metusala. 22 Pala so kerdinǎjlos o Metusala, o Enoh maj phirdǎs le Devleça trin śäla bärś, haj kerdinǎjles lesqe ćhave haj ćheja. 23 Saorä ges le Enohosqe sas trin śäla haj śovardeś haj panʒ bärś. 24 O Enoh phirdǎs le Devleça, pala kodoja ma nas, pentrukä lilǎ les o Del peça.

25 K-o phurimos äk śälaqo haj oxtodeśa haj jefta bärś le Metusalasqe, kerdinǎjlos lesqe o Lameh. 26 Pala so kerdinǎjlos o Lameh, o Metusala maj traisajlos jefta śäla haj oxtodeśa haj duj bärś, haj kerdinǎjles lesqe ćhave haj ćheja. 27 Saorä ges le Metusalasqe sas ïnǎ śäla haj śovardeś haj ïnǎ bärś, pala kodoja mulos.

28 K-o phurimos äk śälaqo haj oxtodeśa haj duj bärś, le Lamehosqe kerdinǎjlos lesqe äk ćhavo. 29 Ov ćhutǎs lesqo anav Noja,* O anav Noja xakǎrdǒl „odihna”, haj maj aśundǒl sar mïngïjmos. phenindos: „Kadava si te mïngïil amen anθa amari buki haj anθa o pharimos amare vastenqo, kaj avel anθa kadaj phuv savi dinǎ lan armaja o Raj.” 30 Pala so kerdinǎjlos o Noja, o Lameh maj traisajlos panʒ śäla haj ïnǎdeśa haj panʒ bärś, haj kerdinǎjles lesqe ćhave haj ćheja. 31 Saorä ges le Lamehosqe sas jefta śäla jeftadeśa haj jefta bärś, pala kodoja mulos.

32 Pala so o Noja pherdǎs panʒ śäla bärś, kerdinǎjles lesqe o Sem, o Ham haj o Jafet.