1 O Kristos dinǎs amaro drom te avas slobozi, kadǎ aćhon zurale, haj na maj bangǒn pale tala o źugo le robǎqo.

2 Aśunen, me o Pavelo phenav tumenqe, kana ćhinen tumen tele, o Kristos naj te maj avel tumenqe laćho kathinende. 3 Me ʒanav so phenav, haj maj phenav orso manuśäsqe kaj mukel pes te avel ćhindo tele, träbul te kerel sǎ so phenel e Kris. 4 Sen dur kaθar o Kristos, tume kaj kamen te phenel o Del kä sen ćaće anθa-i Kris, haj pelen anθa o miśtimos le Devlesqo. 5 Kä ame abja aźukǎras, kaj i ʒanas kaθar o Duxo, kä o Del si te kerel amen ćaće pentrukä ame pakǎs. 6 Kä anθ-o Kristos Isus nić o ćhinimos tele, nić o bićhinimos tele naj khanć, haj numa o pakjamos kaj sikadǒl anθ-e dragostja. 7 Tume ʒanas miśto! Kon thardǎs tumen te na pakǎn o ćaćimos? 8 Kadav tharimos naj kaθar kova kaj del tumen muj. 9 Äk cïra droźdia kerel te barǒl saoro aluato. 10 Pakǎv anθ-o Raj kä ni gïndin anθä aver felo sar me sikadem tumen. Haj kodova kaj tulburil tumen si te lel pi pokin, orsavo si ov. 11 Me, phrala!le haj pheja!le, kana phenava kä äl njamuri te ćhinen pes tele, sosθe maj sem naśado? Atunć ni maj xolǎrelas kanikas o truśul. 12 Anθa kola kaj rimol tumen, me kamav paśa o ćhinimos tele on te kerdǒn i famenǎ!

13 Dar tume, phrala!le haj pheja!le, senas dine muj kaθar o Del te train anθ-e libertatja. Dar ta na keren anθa-i kadaj libertatja äk motivo te train anθa-i firja bezexali! Maj miśto sluźin tumen jekh avresqe anθ-e dragostja! 14 Kä saorï Kris si astardi anθä jekh porunka: „Te jubis ke paśardes sar tu jubis tut”.a Levitiko 19:18 15 Dar kana dandaren tumen haj xan tumen jekh pä aver, te avel tume griźa ta na aven mudarde jekh avresθar!

16 Me phenav: phiren anθ-o Duxo ta na keren so kamel e firja e bezexali! 17 Kä e firja bezexali kamel kontra le Duxosqi haj o Duxo kontra le firǎqi bezexali. Kadala si kontra jekh avresqe, kadǎ kä ni daśtin te keren so kamen. 18 Kana sen phirade kaθar o Duxo, ni sen talaj Kris. 19 Äl bukǎ le firǎqe bezexali ʒanglon pes haj si kadala: soven avre ʒuvlǎnça sau murśänça kaj naj lenqe, keren bukǎ maxrime, ni daśtin te oprin pe gïnduri äl nasul, 20 rugin pes kä aver devla, keren vräźitoria, si lenqe xolǎ, mardǒn, si lenqe xoli p-äl bukǎ kaj naj lenqe, cipin, kamen numa anθa pesθe, durǒn jekh avresθar, xan pes, 21 kamen so si avresqe, mudaren avren, matǒn, xan, pen haj kurvin maśkar pesθe, haj keren aver bukǎ kaj amǎn kadalença. Phenav tumenqe sar maj phendem, kä kola kaj keren äl bukǎ kadala naj te mośtenin o Thagarimos le Devlesqo. 22 Dar e roada le Duxosqi si: e dragostja, e bukuria, e paćǎ, te ïngǎres äl pharimata, te keres o miśtimos, o laćhimos, te aves ćaćo, 23 o gogǎerimos, o oprimos le poftenqo. Naj kris kaj phenel ta na keres kadala bukǎ. 24 Kon si le Kristososqo Isus, rästignisardǎs e firja bezexali anθ-äk than soça kamel haj jubil oj. 25 Kana ame trais anθ-o Duxo i te ʒas pala o Duxo. 26 Ta na avas barikane, ta na xolǎras jekh avres, haj ta na kamas so si avresqe.