1 Kadala si ăl bukea kai kerdineailes andăl neamuri le ciavenghe le Noiaske, o Sem, o Ham hai o Iafet. Păce sas tasadi e phuv, kerdineales lenghe ciave. 2 Ăl ciave le Iafetoske: o Gomer, o Magog, o Madai, o Iavan, o Tubal, o Meșek hai o Tiras. 3 Ăl ciave le Gomeroske: o Așkenaz, o Rifat hai o Togarma. 4 Ăl ciave le Iavanoske: o Elișa, o Tarșiș, o Kitim hai o Dodanim. 5 Andal ciave le Iavanoske duriles ăl neamuri kai beșen pașa o pai o baro, andă lenghe thema, palai cib fiosaveski, pala lenghe fameli, pala lenghe neamuri.

6 Ăl ciave le Hamoske: o Kuș, o Egipt, o Put hai o Kanaan. 7 Ăl ciave le Kușoske: o Seba, o Havila, o Sabta, o Raema hai o Sabteka. Ăl ciave le Raemaske: o Șeba hai o Dedan. 8 O Kuș sas o dad le Nimrodosko: ov sas o angluno manuș zuralo p-e phuv. 9 Ov sas o mai lacio vînători ande lumea; ita soste phendeol: „Sar o Nimrod, o vînători o mai lacio ande lumea.” 10 Anglal sas thagar andăl foruri Babel, Erek, Akad hai Kalne, ando Them Șinar. 11 Anda o them kadava întrisailos ande Asiria; vazdeas o Ninive, o Rehobot-Ir, o Kalah 12 hai o Resen mașkar o Ninive hai o Kalah: kadava si o foro o baro.

13 O Egipto sas o dad le poporengo Lud, Anam, Lehab, Naftuh, 14 Patrus, Kasluh (katar înkliste ăl filistea) hai Kaftor.

15 O Kanaan sas o dad le Sidonosko, o angluno lesko kerdo, hai le Hetosko, 16 hai le poporengo Iebus, Amor, Ghirgas, 17 Hev, Ark, Sin, 18 Arvad, Țemar, Hamat. Pala kodoia, ăl neamuri le kanaanițenghe mukisailes dur iekh avrestar. 19 O them le kanaanițengo sas katar o Sidon karing o Gherar gi ke Gaza, hai karing e Sodoma, Gomora, Adma hai Țeboim, gi ke Leșa. 20 Kadala si ăl ciave le Hamoske pala lenghe fameli, pala lenghe ciba, pala lenghe thema, pala lenghe neamuri.

21 Hai i le Semoske kerdineales leske ciave. Ov sas o dad saoră ciavengo le Eberoske, hai sas o phral o mai baro le Iafetosko. 22 Ăl ciave le Semoske: o Elam, o Asur, o Arpakșad, o Lud hai o Aram. 23 Ăl ciave le Aramoske: o Uț, o Hul, o Gheter hai o Maș. 24 O Arpakșad sas o dad le Șelahosko, hai o Șelah sas o dad le Eberosko. 25 Le Eberoske kerdineales leske dui ciave: o anav iekhesko sas Peleg,* O anav Peleg hakeardeol „hulaiimos”. phendolas leske kadea kă pă leski vremea huladilis e phuv. O anav leske phralesko sas Ioktan. 26 Ăl ciave le Ioktanosko sas: o Almodad, o Șelef, o Ațarmavet, o Ierah, 27 o Adoram, o Uzal, o Dikla, 28 o Obal, o Abimael, o Șeba, 29 o Ofir, o Havila hai o Iobab. Sea kadala sas ăl ciave le Ioktanoske. 30 O them kai beșenas sas katar e Meșa gi ko Sefar (ăl plaia le răsărimaske). 31 Kadala si ăl ciave le Semoske pala lenghe fameli, pala lenghe ciba, pala lenghe thema, pala lenghe neamuri.

32 Kadala si ăl fameli le ciavenghe le Noiaske pala lenghe dada, pala lenghe neamuri. Anda lende duriles ăl neamuri p-e phuv păce sas tasadi e phuv.