13
O umilimos le Isusosqo
Sas angla o ges o baro le Nakhimasqo.* O ges o baro le Nakhimasqo si o ges kana äl evrea anen pesqe gogi k-o ges kana o ïnʒero le mulimasqo nakhlos paśa lenθe anθ-o Eʒipto haj on xastrajles othar.a Eksodo 12:13-14 O Isus ʒanelas kä avilos lesqo ćaso kaśte nakhel anθa-i lumǎ kadaja k-o Dad. ⸤Totdjauna⸥ jubilas piren kaj sas anθ-e lumǎ, jubisardǎ len ʒi k-o śäro. Kana beśenas te xan, o beng deźa ćhutǎsas anθ-o ilo le Judasqo, o ćhavo le Simonosqo Iskariotjano, o gïndo te bikinel les. O Isus ʒanindos kä o Dad dinǎ les saorä bukǎ anθ-äl vast, haj kä kaθar o Del avilos haj k-o Del ʒal, uśtilos kaθar e sinia, ćhutǎs rigaθe pe coale, lilǎs äk śtergari haj phanglǎ pes leça. Pala kodoja ćhutǎs paj anθ-äk ligǎno haj ïnćeposajlos te thovel äl pïrne le ućenićenqe haj te khosel len le śtergareça kaj sas phanglo. Kana areslos k-o Simon Petru, kadava phendǎ lesqe:
— Rai!a! Tu te thoves mïrä pïrne?
O Isus dinǎ les anglal:
— Akanak ni xakǎres so kerav, dar pala äk timpo va xakǎresa.
O Petre phendǎ lesqe:
— Nić äk data ni va thovesa mïrä pïrne!
O Isus dinǎ les anglal:
— Kana ni thovava tut, naj te avel tut rig mança!
O Simon Petru phendǎ lesqe:
— Rai!a, na numa mïrä pïrne! I mïrä vast haj i muro śäro!
10 O Isus phendǎ lesqe:
— Kova kaj si najardo, ni träbul te thovel pes, numa pa-l pïrne, kä si uźo dä sǎ. Haj tume sen uźe, dar na sǎ.
11 Kodolasqe phendǎs: „na sǎ sen uźe”, kä ʒanelas kon bikinel les.
12 Päće thodǎs lenqe pïrne haj lilǎs pe coale haj beślos pale te xal, phendǎ lenqe:
— Xakǎren so kerdem tumenqe? 13 Tume phenen manqe «sikaitori» haj «raj». Miśto phenen, kä i sem. 14 Deć kana me, o raj haj o sikaitori thodem tumare pïrne, atunć i tume träbul te thoven äl pïrne jekh avresqe. 15 Sikadem tumen sar te keren, kaśte keren i tume so me kerdem tumenqe. 16 Ćaćes, ćaćes phenav tumenqe: O robo naj maj baro dä sar pǒ stäpïno, nić kova kaj sas dino drom naj maj baro dä sar kova kaj dinǎ les drom. 17 Anθa kodoja kä ʒanen kadal bukǎ, va avena baxtale kana keren len.
18 Ni dav duma anθa tumenθe sǎ. Me ʒanav kolen saven alosardem len, dar alosardem len kaśte pherdol e Skriptura: «Kova kaj xal muro marno vazdǎs pǒ kïlkïj kontra mïrï.»b Salmi 41:9 19 Akanak phenav tumenqe, ʒi kaj te kerdǒl, ka atunć kana va kerdǒla, te pakǎn kä Me Sem. Anθ-o Eksodo 3:14 o anav Me Sem si o anav le Rajesqo. 20 Ćaćes, ćaćes phenav tumenqe: Kon primil koles dino drom manθar, man primil man, haj kon primil man man, primil koles kaj dinǎ man drom.
O Isus phenel kä si te avel bikindo
21 Pala so phendǎs kadal vorbe, o Isus tulburisajlos anθä pǒ ilo haj phendǎs lenqe kaśte xakǎren:
— Ćaćes, ćaćes phenav tumenqe, kä jekh anθa tumenθe va bikinela man.
22 Äl ućenićǎ ni xakǎrenas anθa kasθe del duma, haj dikhenas pes jekh pä aver. 23 Jekh anθa lesqe ućenićǎ, saves jubilas o Isus, beśelas ke sinia paśa o Isus. „Paśa o Isus” anθ-o oriʒinalo si „paśa o kolin le Isusosqo”, sas kä beśelas ke ćaći le Isusosqi ïntinzome jekh paśa aver. 24 O Simon Petru kerdǎ lesqe semno te pućhel les anθa kasθe del duma. 25 Kodolasqe kodova bangilos karing o Isus haj phendǎ lesqe:
— Rai!a, savo si kodova?
26 O Isus dinǎs anglal:
— Si kodova savesqe va dava äk pruśuk marnesqi päće bolava la.
Boldǎs e pruśuk le marnesqi haj dinǎ la le Judasqe, o ćhavo le Simonosqo Iskariotjano. 27 Haj pala e pruśuk o Satana ïntrisajlos anθä kodova. Atunć o Isus phendǎ lesqe:
— So si tut te keres, ker sigo!
28 Dar nić jekh anθa kola kaj beśenas ke sinia ni ʒangles anθa sosθe phendǎ lesqe kadǎ. 29 Anθa kodoja kä le Judas sas les e punga, aver pakǎnas kä o Isus phendǎs lesqe: „Kin so träbul amen anθ-äl gesa äl bare” sau phendǎsas lesqe te del dajći le ćorän.§ Anθä rǎt kodoja sas obićej te den love le ćorän. 30 Päće lilǎs e pruśuk, o Juda ïnklistos sigo avri. Haj sas rǎt.
E porunka nevi dini kaθar o Isus
31 Atunć, kana o Juda ïnklistos, o Isus phendǎs:
— Akanak dikhǒl kabor dä baro si o Ćhavo le Manuśäsqo, haj ov sikavel kabor dä baro si o Del. 32 Kana ov sikavel kabor dä baro si o Del, atunć i o Del va sikavela kabor dä baro si ov haj va sikavela imedime. 33 Ćaorale, maj sem cïra tumença. ⸤Pala kodoja⸥ si te roden man haj sar phendem le maj barenqe le evreenqe kä «kaj me ʒav, tume ni daśtin te aven»,c Joan 7:34; 8:21 sa kadǎ phenav i tumenqe akanak. 34 Dav tumen äk porunka nevi: te jubin tumen jekh avreça. Sar jubiv tumen me, sa kadǎ te jubin tumen i tume jekh avreça! 35 Prin kadaja va ʒanena sǎ kä sen mïrä ućenićǎ, kana si tumen dragostja jekh anθa aver.
O Isus phenel sar ćhudel pes o Petre lesθar
36 O Simon Petre puślǎ les:
— Rai!a, kaj ʒas?
O Isus dinǎ les anglal:
— Kaj ʒav, ni daśtis te aves pala manθe akanak, dar maj palal va avesa pala ma.
37 O Petre phendǎ lesqe:
— Rai!a, sosθe ni daśtiv te avav pala tuθe akanak? Va dava mïrï viaca anθa tuθe!
38 O Isus dinǎ les anglal:
— Va desa ki viaca anθa manθe? Ćaćes, ćaćes phenav tuqe kä ni va gilabela o baśno ʒi kana ni va oxavesa trin drom kä ni prinʒanes man!

*13:1 O ges o baro le Nakhimasqo si o ges kana äl evrea anen pesqe gogi k-o ges kana o ïnʒero le mulimasqo nakhlos paśa lenθe anθ-o Eʒipto haj on xastrajles othar.

a13:1 Eksodo 12:13-14

b13:18 Salmi 41:9

13:19 Anθ-o Eksodo 3:14 o anav Me Sem si o anav le Rajesqo.

13:23 Paśa o Isus” anθ-o oriʒinalo si „paśa o kolin le Isusosqo”, sas kä beśelas ke ćaći le Isusosqi ïntinzome jekh paśa aver.

§13:29 Anθä rǎt kodoja sas obićej te den love le ćorän.

c13:33 Joan 7:34; 8:21