21
O Isus sicadeol co Laco le Tiberiadiaco
Pala codoia o Isus sicadilos pale pe ucenicenghe co Laco le Tiberiadiaco. Sicadilos lenghe cadea: O Simon Petre, o Toma (phendo Geamăno), o Natanael andai Cana and-e Galileea, ăl ciave le Zebedeosche hai aver dui ucenicea anda lesche sea sas chidine andăc than. O Simon Petre phendea lenghe:
— Giav te astrav macio.
— Gias i ame tusa — phende lesche colaver. Cadea că gheles hai uștiles and-e corabiia, dar and-e reat codoia ni astardes chanci. Cana parnilosas, o Isus beșelas pe rig le paieschi. Dar ăl ucenicea ni pringiandes că si o Isus. O Isus phendea lenghe:
— Ciavorale, cadea si că nai tumen macio?
On dine les anglal:
— Nai amen.
Ciuden o năvodo pe rig e ciacii le corabiiachi hai va arachena! — phendea lenghe ov. Cadea că on ciude les, hai ni mai daștinas te încalaven les andai cauza le bute maceschi. Atunci o ucenico saves iubilas les o Isus phendea le Petresche:
— Si o Rai!
Cana o Simon așundeas că si o Rai, lileas hai phangleas e haina pă peste, că sas nango, hai huclos ando pai. Hai colaver ucenicea aviles le corabiiasa, că nas dur catar e rig le paieschi, doar că ăc șăl metrea dă dur.* „Ăc șăl metrea” ando originalo si „dui șăla cuia”. Ăc cui si lan cam 45 de centimetrea. Țîrdes o năvodo le macesa. Cana arezles che rig le paieschi, dichles othe ăc jaro angarengo, macio po jaro hai marno. 10 O Isus phendea lenghe:
— Anen andal mace cai astarden len acanac!
11 O Simon Petru uștilos and-e barca hai țîrdeas o năvodo pe rig le paieschi, pherdo ăc șăl hai peinda hai trin mace bare. Dar cu sea că sas cadichi dă but, o năvodo ni cindilos. 12 O Isus phendea lenghe:
— Aven te han!
Hai nici iech andal ucenicea ni îndrăznisardeas te pucel les: „Con san?” Că on gianenas că si o Rai. 13 O Isus pașilos, lileas o marno hai dinea les lenghe. Sa cadea cherdea i le macesa. 14 Cadava acanac sas le trinengo drom cana sicadilos o Isus le ucenicenghe, păce sas înviome andal mule.
O Isus del duma le Petresa
15 Păce hales, o Isus phendeas le Simon Petresche:
— Simone le Ionasco, iubis man tu mai but dă sar cadala?
O Petre dinea les anglal:
— Da, Raia, gianes că sem cheo amal.
O Isus phendea lesche:
— De mîră meien te han!a Romaia 8:36; 1 Petre 2:25
16 Phendea lesche pale, le dongo drom:
— Simone le Ionasco, iubis man?
Hai o Petre dinea les anglal:
— Da, Raia, gianes că sem cheo amal.
— Av tut grija catar mîră brachea! — phendea lesche o Isus. 17 Hai phendea lesche le trinengo drom:
— Simone le Ionasco, san muro amal?
O Petre întristosailos că pușleasas les le trinengo drom: „San muro amal?” Hai phendea lesche:
— Raia, tu sea gianes, gianes că sem cheo amal!
O Isus phendea lesche:
— De mîră brachean te han! 18 Ciaces, ciaces phenav tuche: Cana sanas tărno, phandesas corcoro chi haravli hai giasas cai camesas. Dar cana va phureosa, va întinzosa che vast hai aver daconiva va phandela tut șălesa hai va înghearela tut cai ni cames te gias.
19 (Phendeas cadal vorbe caște dicheol so felosa mulimasco va sicavela o Petre cabor dă baro si o Del.) Pala codoia phendea lesche:
— Haida pala mande!
20 O Petre boldineailos hai dichleas că avelas pala lende o ucenico saves iubilas les o Isus. (Cova cai ando timpo le cinaco banghilosas caring o Isus hai phendeasas: „Raia, savo si cai va bichinela tut?”b Ioan 13:25) 21 Cana o Petre dichlea les, phendeas le Isusosche:
— Raia, dar calesa so va cherdeola?
22 O Isus phendea lesche:
— Cana camava ca ov te aciol gi cana me avava, so hal tut tut? Tu haida pala mande!
23 Cadal vorbe înclistes mașcar ăl phral, că o ucenico codova ni va merela. Dar o Isus ni phendeas le Petresche că ni va merela, hai „Cana camava ca ov te aciol gi cana me avava, so hal tut tut?”
24 Cadava si o ucenico cai mărturisil anda buchea cadala hai cai ramosardeas cadala. Hai ame gianas că leschi mărturia si ciacii.
25 Mai si but aver buchea save cherdea len o Isus, cai te afi sas ramome iech po iech, pacheav că nici chear andă cadai lumea sea nas than le lilen ramome.

*21:8 Ăc șăl metrea” ando originalo si „dui șăla cuia”. Ăc cui si lan cam 45 de centimetrea.

a21:15 Romaia 8:36; 1 Petre 2:25

b21:20 Ioan 13:25