21
O sap le xarkomaqo
4 Telǎrdes kaθar o Plaj o Hor p-o drom kaj ïngǎrel karing o Baro Paj le Trestěnqo, kaśte nakhen paśa o Them le Edomosqo. O poporo xasardǎs pi räbdarǎ p-o drom 5 haj dines duma kontra le Devlesqi haj le Mojsǎsqi:
— Sosθe ïnkaladen amen anθa o Eʒipto kaśte meras anθ-e mulani? Kä naj nić marno, nić paj, haj ćajlilǎm kaθar kadav xamos khanćivalo!
6 Atunća o Raj dinǎs drom kontra le poporosqi niśte sapa velinime kaj dandardes o poporo, kadǎ kä mules but manuś anθa o Israelo. 7 O poporo avilos k-o Mojsǎ haj phendǎs:
— Kerdǎm bezex, kä dinǎm duma kontra le Rajesqi haj kontra kiri. Rugisao le Rajesqe, kaśte durǎrel amenθar kadal sapen!
O Mojsǎ rugisajlos anθa o poporo. 8 O Raj phendǎs le Mojsǎsqe:
— Ker äk sap haj ćhu les p-äk kaśt! Kana dakoniva si dandardo haj vardil karing lesθe, va traila.
9 O Mojsǎ kerdǎ äk sap xarkomaqo haj ćhutǎ les p-äk kaśt. Kana dakoniva sas xalo kaθar äk sap haj dikhlǎs karing o sap le xarkomaqo, trailas.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.