148
Te lăudin le Raies sea so cherdeas ov!
Te lăudin le Raies anda o ceri!
Te lăudin les andăl thana uce!
2 Te lăudin les, saoră îngerea lesche!
Te lăudin les, saoră oștiri lesche!
3 Te lăudin les tume, chama hai cionot!
Te lăudin les, saoră steale cai luminin!
4 Te lăudin les tu, cerona, cai san mai baro,
hai tume, paia cai san mai opre dă sar o ceri!
5 Te lăudin o anav le Raiesco,
că ov poruncisardeas, hai sas cherde!
6 Ciutea len andă lengo than te aven othe totdeauna.
Dinea len ăc crisimos cai ni va nachela.
7 Te lăudin le Raies pai phuv,
bare giuvindimata le bare paiesche,
hai saoră adîncuri!
8 Iag hai brîșînd barăsa,
iv hai ceața,
braval zurali cai cheres so phenel ov!
9 Munți hai saoră plaia,
dafia cai cheren rodo hai saoră cedrea,
10 giuvindimata sălbaticea
hai saoră animalea pașa o cher,
animalea țîine hai ciriclea phacheanța,
11 ăl thagara le phuiache hai saoră poporea,
ăl mai bare hai saoră bare crisitorea pe phuv,
12 tărne hai tărnea,
phure hai ciave!
13 On te lăudin o anav le Raiesco!
Că numa lesco anav si baro,
leschi slava si opral pai phuv hai poa ceri.
14 Ov cherdeas pe poporos zuralo:
caște lăudin les cola savenghi mila aciol caring leste:
ăl israelițea, o poporo pașa leste.
Lăudin le Raies!† Ando originalo si: „Aleluia!”
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.