127
Chanci bi le Raiesco
Ăc ghili cana uștenas co Ierusalimo. Ăc ghili le Solomonoschi.
1 Cana o Rai ni zidol ăc cher,
anda chanceste cheren buchi cola cai zidon.
Cana o Rai ni păzil ăc foro,
anda chanceste ni soven cola cai păzin les.
2 Anda chanceste tume ușten detehara andai reat,
hai soven tîrzio hai cheren buchi phari anda tumaro marno.
Ciaces, ov del len marno ande lindri colen cas iubil.
3 Ita că ăl ciave si ăc daro catar o Rai,
o rodo le pîntecosco si pochin ⸤lestar⸥.
4 Sar ăl săgeț ando vast ăc manușăsco zuralo,
cadea si ăl ciave cherde căl tărnimata.
5 Bahtalo si o manuș cai pherel pi tolba lența,
că nai te avel lenghe lagiavo
cana den duma pe dușmaența che cris
ande poarta le foroschi.
CC BY-NC-ND 3.0 È possibile condividere e ridistribuire questa traduzione della Bibbia o degli estratti di essa in qualunque formato, a condizione che:
- vengano incluse le informazioni sul copyright sovrastanti.
- Questo lavoro non venga utilizzato a scopo pubblicitario o di lucro.
- Non vengano modificate le parole o la punteggiatura delle Scritture.