121
O Rai ajutil tut
Ăc ghili cana uștenas co Ierusalimo
1 Vazdav mîră iacha caring ăl plaia ⸤hai puciav man⸥:
Catar va avela muro ajutori?
2 Muro ajutori avel catar o Rai,
cai cherdeas o ceri hai e phuv.
3 Ov ni va muchela te istral cheo pîrno,
cova cai păzil tut ni va moțoiila.
4 Ita că ni moțoiil, nici ni sovel
cova cai păzil le Israelos.
5 O Rai si cova cai păzil tut,
pă cheo vast o ciacio o Rai si sar ăc ucial cai protejil tut.
6 Chanci ni va cherela tuche o cham o ghes,
nici o cionot e reat.
7 O Rai va păzila tut saoră nasulimastar,
va păzila chi viața.
8 O Rai va păzila tut cana încles
hai cana întris dacanara hai totdeauna.
CC BY-NC-ND 3.0 Vous pouvez partager et redistribuer cette traduction biblique ou des extraits de celle-ci dans n'importe quel format, à condition que:
- Vous incluez les informations de copyright ci-dessus.
- Vous n'utilisez pas cet oeuvre pour un avantage commercial ou une compensation monétaire.
- Vous ne changez aucun mot ou ponctuation des Écritures.