115
Ciu cheo pacheamos ando Rai!
1 Na amen, Raia, na amenghe,
hai che anavesche an slava,
anda chi mila cai aciol, anda cheo pacheamos!
2 Soste phenen ăl neamuri:
— Cai si o Del le Israelosco?
3 Amaro Del si ando ceri,
ov cherel sea so camel.
4 Lenghe idolea si rupo hai sumnacai,
cherde manușăndar.
5 Si len mui dar ni den duma,
si len iacha dar ni dichen,
6 si len can dar ni așunen,
si len nach dar ni chanden,
7 si len vast dar ni pipăin,
si len pîrne dar ni phiren.
Anda lenghi cor ni așundeol chanci.
8 Sar lende si te aven cola cai cheren len,
sea cai ciun peo pacheamos andă lende.
9 Israel, ciu cheo pacheamos ando Rai!
Ov si lengo ajutori hai lengo scuto!
10 O cher le Aronosco, ciu cheo pacheamos ando Rai!
Ov si lengo ajutori hai lengo scuto!
11 Tume cai daran catar o Rai,
ciun tumaro pacheamos ando Rai!
Ov si lengo ajutori hai lengo scuto.
12 O Rai ni bistrel amen,
ov va binecuvintila, va binecuvintila o cher le Aronosco.
13 Va binecuvintila colen cai daran catar o Rai,
catar ăl țîine hai gi căl bare.
14 O Rai te butearel tumen,
i tumen hai i tumare ciaven!
15 Aven binecuvintime catar o Rai,
cai cherdeas o ceri hai e phuv!
16 O ceri si o ceri le Raiesco,
hai e phuv dinea lan le ciavenghe le Adamosche.
17 Na ăl mule laudin le Raies,
na cola cai mucle pes ando than cai ni așundeol chanci,
18 hai ame, ame va binecuvintisa le Raies,
dacanara hai totdeauna.
Lăudin le Raies!* Ando originalo si: „Aleluia!”
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.