32 ghilea andai Biblia
(Ăl salmi 1; 2; 23; 34; 37; 40; 42; 43; 50; 51; 53; 71; 100—106; 110; 115; 116; 121; 122, 127, 130, 139, 142, 147-150)
1
O manuș o ciacio hai ăl manuș cai cheren nasul
1 Bahtalo si o manuș savo ni gial co sfato colengo cai cheren nasul
hai ni phirel po drom le bezehalengo
hai ni beșel tele po scauno colengo save asan catar o Del.
2 Dar arachel pi plăcerea ando sicaiimos le Raiesco
hai o ghes hai e reat gîndil pes că lesco sicaiimos.
3 Si sar ăc pomo ciutino pașa ăc pîrîo,
savo del peo rodo cana trăbul
hai lesche patrea ni șucheon:
sea so cherel, va sporila.
4 Na sa cadea si colența cai cheren nasul,
hai si sar e pleava, savi phurdel lan e braval.
5 Codolasche cola cai cheren nasul ni va aciona andă pîrnende andă orso cris,
nici ăl bezehale ando chidimos le ciacengo.
6 Că o Rai vardil po drom le ciacengo,
dar o drom colengo cai cheren nasul va înghearela len co hasarimos.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.