1 Cadala si ăl buchea cai cherdineailes andăl neamuri le ciavenghe le Noiasche, o Sem, o Ham hai o Iafet. Păce sas tasadi e phuv, cherdineales lenghe ciave. 2 Ăl ciave le Iafetosche: o Gomer, o Magog, o Madai, o Iavan, o Tubal, o Meșec hai o Tiras. 3 Ăl ciave le Gomerosche: o Așchenaz, o Rifat hai o Togarma. 4 Ăl ciave le Iavanosche: o Elișa, o Tarșiș, o Chitim hai o Dodanim. 5 Andal ciave le Iavanosche duriles ăl neamuri cai beșen pașa o pai o baro, andă lenghe thema, palai cib fiosaveschi, pala lenghe fameli, pala lenghe neamuri.

6 Ăl ciave le Hamosche: o Cuș, o Egipt, o Put hai o Canaan. 7 Ăl ciave le Cușosche: o Seba, o Havila, o Sabta, o Raema hai o Sabteca. Ăl ciave le Raemasche: o Șeba hai o Dedan. 8 O Cuș sas o dad le Nimrodosco: ov sas o angluno manuș zuralo p-e phuv. 9 Ov sas o mai lacio vînători ande lumea; ita soste phendeol: „Sar o Nimrod, o vînători o mai lacio ande lumea.” 10 Anglal sas thagar andăl foruri Babel, Erec, Acad hai Calne, ando Them Șinar. 11 Anda o them cadava întrisailos ande Asiria; vazdeas o Ninive, o Rehobot-Ir, o Calah 12 hai o Resen mașcar o Ninive hai o Calah: cadava si o foro o baro.

13 O Egipto sas o dad le poporengo Lud, Anam, Lehab, Naftuh, 14 Patrus, Casluh (catar încliste ăl filistea) hai Caftor.

15 O Canaan sas o dad le Sidonosco, o angluno lesco cherdo, hai le Hetosco, 16 hai le poporengo Iebus, Amor, Ghirgas, 17 Hev, Arc, Sin, 18 Arvad, Țemar, Hamat. Pala codoia, ăl neamuri le canaanițenghe muchisailes dur iech avrestar. 19 O them le canaanițengo sas catar o Sidon caring o Gherar gi ch-e Gaza, hai caring e Sodoma, Gomora, Adma hai Țeboim, gi ch-e Leșa. 20 Cadala si ăl ciave le Hamosche pala lenghe fameli, pala lenghe ciba, pala lenghe thema, pala lenghe neamuri.

21 Hai i le Semosche cherdineales lesche ciave. Ov sas o dad saoră ciavengo le Eberosche, hai sas o phral o mai baro le Iafetosco. 22 Ăl ciave le Semosche: o Elam, o Asur, o Arpacșad, o Lud hai o Aram. 23 Ăl ciave le Aramosche: o Uț, o Hul, o Gheter hai o Maș. 24 O Arpacșad sas o dad le Șelahosco, hai o Șelah sas o dad le Eberosco. 25 Le Eberosche cherdineales lesche dui ciave: o anav iechesco sas Peleg,* O anav Peleg hacheardeol „hulaiimos”. phendolas lesche cadea că pă leschi vremea huladilis e phuv. O anav lesche phralesco sas Ioctan. 26 Ăl ciave le Ioctanosco sas: o Almodad, o Șelef, o Ațarmavet, o Ierah, 27 o Adoram, o Uzal, o Dicla, 28 o Obal, o Abimael, o Șeba, 29 o Ofir, o Havila hai o Iobab. Sea cadala sas ăl ciave le Ioctanosche. 30 O them cai beșenas sas catar e Meșa gi co Sefar (ăl plaia le răsărimasche). 31 Cadala si ăl ciave le Semosche pala lenghe fameli, pala lenghe ciba, pala lenghe thema, pala lenghe neamuri.

32 Cadala si ăl fameli le ciavenghe le Noiasche pala lenghe dada, pala lenghe neamuri. Anda lende duriles ăl neamuri p-e phuv păce sas tasadi e phuv.