28
Trin cion ande insula Malta
1 Păce hastraileam andai primejdia, aflisardeam că e insula buciolas Malta. 2 Ăl manuș othar sicadea amenghe ăc lacimos neobișnuiime, astardes ăc iag hai primisarde amen saorăn, că delas o brîșînd hai sas șîl. 3 O Pavel chideas ăc angali creci hai ciulas len pe iag. Andai cauza le tatimaschi ăc năpîrca înclistis avri hai lipisailis catar lesco vast. 4 Cana ăl manuș le insulache dichles e năpîrca atîrnindos po lesco vast, phendes iech avresche:
— Ciaces o manuș cadava trăbul te avel ăc ucigaș, căci o Ciacimos* Ciacimos Ciacimos sas o anav ăc zeiițaco. ni camel te muchel les te trail, macar că sas hastrame andai marea.
5 Dar ov scuturisardeas e năpîrca ande iag hai nas lesche chanci. 6 Ăl manuș codola ajucheardeonas ca ov te pucheol sau te perel andac data mulo. Pala so ajucheardes but hai dichles că ni cherdeol lesche chanci deosebime, parubdes pi părerea hai phenenas că si ăc zeeo.
7 Pașă o than codova sas ăl ogorea le mai baresche le insulaco, po anav Publius. Ov primisardea amen andă peo cher, cai beșleam trin ghes, hai phiradilos miștimasa amența. 8 So besleam othe, o dad le Publiusosco pașleolas ando pato, nasfalo, sas les febra hai sas malado ghestar. O Pavel ghelos te dichel les, rughisailos hai ciuteas ăl vast pă leste hai sasteardea les. 9 Păce cherdilis cadai buchi, aviles i colaver nasfale andai insula codoia, hai sas sastearde. 10 Bari cinstea dinea amen, hai că amaro telearimos dinea amen sea so trăbulas amen po drom.
O Pavel aresel ch-e Roma
11 Beșleam p-e insula trin cion, pala codoia teleardeam ăc corabiiasa andai Alexandria, savi nachadeasas o ivend othe, hai sas lan o semno le zeengo Gemeni. 12 Aresleam ande Siracusa hai beșleam trin ghes othe. 13 Othar teleardeam hai aresleam co Regio. Andă coaver ghes începosardeas e braval te marel catar o sudo, hai pala dui ghes aresleam ando Puzole. 14 Othe dineam pa niște phral, save rughisarde amen te beșas lența iefta ghes. Hai othar gheleam ande Roma. 15 Ăl phral othar așundes anda amende hai încliste amenghe anglal gi co foro e Peața le Apiusoschi hai gi co foro Trin Hanuri. Cana dichlea len, o Pavel naiisardeas le Devlesche hai zurailos.
O Pavel ande Roma
16 Cana aresleam ande Roma, le Pavelosche dinea pes lesche voia te beșel corcoro, ăc soldatosa savo păzilas les.
17 Pala trin ghes o Pavel dinea mui le baren le evreenghe. Cana chidineailes, phendea lenghe:
— Phralale, me ni cherdem chanci contra amare poporoschi sau le obiceienghi amare phurenghi. Cu sea cadala, semas phandado ando Ierusalimo hai dino andăl vast le romaienghe. 18 Co proceso, ăl romaia pușle man but, on camenas te den muro drom, anda codoia că nas man nici ăc doș vrednico merimaschi. 19 Dar ăl evreea uștile contra, cadea că trăbuiisardeas te mangav te avav crisome catar o Cezar, dar na caște acuzov mîră poporos daiicestar. 20 Codolasche dinem tumen mui te dichav tumen hai te dav duma tumența. Căci anda e nădejdea le Israeloschi phiravav me cadal lanțuri.
21 On phende lesche:
— Ame ni primisardeam nici ăc scrisoarea andai Iudeea anda tute, hai ni avilos nici ăc phral te vestil sau te phenel daicii nasul anda tute. 22 Dar camas te așunas tutar so gîndis tu, căci gianas că peste sea del pes duma contra cadal sectachi.
23 On hotărîsarde ăc ghes, hai but aviles ando cher le Pavelosco. Dă cu detehara hai gi e reat o Pavel delas lenghe duma but hai phenelas o ciacimos anda o thagarimos le Devlesco, caște cherel len te pachean ando Isus, prin e Cris le Moiseaschi hai ăl Prorocea. 24 Aver anda lende pacheaies ăl buchea cai phendea len o Pavel, dar aver ni pacheaies. 25 Începosailes te telearen bi te aven dă acord iech avrența, păce o Pavel mai phendea lenghe ăc buchi:
— Mișto phendeas o Duho Sfînto prin o proroco Isaia tumare dadenghe cai traiisaile atuncea, 26 cana phendeas:
«Gia co poporo cadava hai phen:
‘Dă așunimos va așunena, dar ni va hachearena.
Dă vardimos va vardina, dar ni va dichena.
27 Că o ilo cadal poporosco cherdilos sar bar,
on așunen phares le canența hai phandades pe iacha
caște na dichen le iachența,
hai ta na așunen le canența, ta na hachearen le ilesa
ta na bolden pes
hai ta na sastearav len.’ »a Isaia 6:9-10
28 Cadea că tume trăbul te gianen că cadai mîntuiirea le Devleschi sas dini drom le neevreenghe. On va așunena!
30 Timpo duie bărșengo o Pavel beșlos andăc cher închirime hai primisardeas saorăn cai avenas te dichen les. 31 Delas duma le manușănghe anda o thagarimos le Devlesco hai sicavelas le manușăn anda o Rai o Isus Cristos bi daraco hai bi nici ăc pedicaco.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.