142
De mui ko Del!
Ăk ghili le Davidoski, kana sas ande peștera, ăk rugăciunea.a 1 Samuel 22:1-2
1 Ando mui o baro dav mui ko Rai,
ando mui o baro mangav mila katar o Rai.
2 Ciorav muro roiimos angla leste,
dav duma anda muro pharimos angla leste.
3 Kana muro duho lășinil andă mande,
tu vardis pă muro drom.
Po drom pă savo phirav
ciutea pes ăk kapkana anda mande.
4 Dikh kă mîrî ciacii, hai dikh ⸤kă nai konik,⸥
konik ni ajutil man!
Nai man kai te hastrav,
koniva ni kamel te gianel mandar.
5 Raia, karing tute dav mui!
Phenav: tu san mîrî azăvada,
sea so kamav pe phuv kadaia.
6 Le seama kana dav mui,
kă sem perado dă sea!
Hastra man katar kola kai nașăn pala mande,
kă si mai zurale dă sar mande!
7 Înkal man anda o phandaiimos,
kaște naiv ke anaveske!
⸤Atunci⸥ ăl ciace va kidina pes pașa mande,
kă si te keres manghe mișto.
CC BY-NC-ND 3.0 È possibile condividere e ridistribuire questa traduzione della Bibbia o degli estratti di essa in qualunque formato, a condizione che:
- vengano incluse le informazioni sul copyright sovrastanti.
- Questo lavoro non venga utilizzato a scopo pubblicitario o di lucro.
- Non vengano modificate le parole o la punteggiatura delle Scritture.