121
O Raj aźutil tut
Äk gili kana uśtenas k-o Jerusalimo
1 Vazdav mïrä jakha karing äl plaja ⸤haj pućhav man⸥:
Kaθar va avela muro aźutori?
2 Muro aźutori avel kaθar o Raj,
kaj kerdǎs o ćeri haj e phuv.
3 Ov ni va mukela te istral kǒ pïrno,
kova kaj päzil tut ni va mocoila.
4 Ita kä ni mocoil, nić ni sovel
kova kaj päzil le Israelos.
5 O Raj si kova kaj päzil tut,
pä kǒ vast o ćaćo o Raj si sar äk ućal kaj proteźil tut.
6 Khanć ni va kerela tuqe o kham o ges,
nić o ćhonot e rǎt.
7 O Raj va päzila tut saorä nasulimasθar,
va päzila ki viaca.
8 O Raj va päzila tut kana ïnkles
haj kana ïntris dakanara haj totdjauna.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.