10
O Isus del drom le jeftadeśän ućenićǎ
Sar te ʒan äl ućenićǎ
Pala kodoja o Raj alosardǎs aver jeftadeśa manuś haj dinǎ len drom p-o duj angla lesθe, anθä saorä foruri haj anθä saorä thana kaθar avelas te nakhel ov. Phendǎ lenqe:
— Baro si o sećerimos, dar cïra si äl manuś kaj keren buki! Kadǎ kä rugin le Rajes le sećerimasqo te del drom manuś kaj keren buki kä lesqo sećerimos! Ʒan! Ita, dav tumen drom sar niśte meěn anθ-o maśkar le rujenqo. Na len tumença nić love, nić traista, nić aver pogimos, haj p-o drom ta na beśen te den ges laćho. Kana ïntrin anθ-äk kher, anglal te phenen: «E paćǎ te avel p-o kher kadava!» Haj kana othe avela dakoniva kaj jubil e paćǎ, tumari paćǎ va beśela leça. Kana ni, tumari paćǎ va rila pes tumenθe. Aćhon anθ-o kher kodova haj xan haj pen so va dela pes tumenqe, käć o manuś kaj kerel buki meritil pǒ pokinimos. Ta na mukin tumen anθa-k kher anθä aver kher! Kana ïntrina anθ-äk foro haj äl manuś primin tumen, xan so ćhul pes tumenqe. Sastǎren le nasfalen othar haj phenen le manuśänqe: «O thagarimos le Devlesqo si paśä tumenθar.» 10 Dar kana ïntrin anθ-äk foro, haj ni primin tumen, ʒan pä lesqe droma haj phenen: 11 «Kontra tumari skuturis kjar o prafo savo astardilos pä amare pïrne anθa tumaro foro! Dar te ʒanen kä o thagarimos le Devlesqo si paśä!» 12 Phenav tumenqe kä anθ-o ges le krisaqo si te avel maj uśuro anθa-l manuś le Sodomaqe dä sar anθa-l manuś kadal forosqe!
Vaj kaθar äl foruri kaj ni pakǎn!
13 Vaj tuθar Xorazine! Vaj tuθar Betsajdo! Kä te afi sas kerde anθ-o Tir sau o Sidono äl minuni save sas kerde anθä tumenθe, dä multara afi muklesas pes bezexäsθar haj afi boldinǎjlesas k-o Del, beśindos tele ⸤haj źelindos⸥ anθä pïnzaθe gonosqi haj ćhutindos prafo p-o śäro. 14 Dar anθ-o ges le krisaqo va avela maj uśuro anθa o Tir haj o Sidon dä sar anθa tumenθe. 15 Haj tu, Kapernaum, va avesa läudime ʒi k-o ćeri? Ni, haj ʒi k-o jado va avesa ćhudino tele.
16 Kon aśunel tumenθar, manθar aśunel, haj kon ni primil tumen, man ni primil man. Haj kon ni primil man man, ni primil koles kaj dinǎ man drom.
Äl jeftadeśa rin pes
17 Äl jeftadeśa risajles pherde bukuria haj phendes:
— Rai!a, kjar i äl benga aśunen amenθar kana porunćis lenqe anθä kǒ anav!
18 Ov phendǎ lenqe:
— Dikhlem le Satanas perindos sar äk fulʒeri anθa o ćeri. 19 Dikhen kä dinem tumen autoritatǎ te uśtjaen p-äl sapa haj p-äl skorpioja haj dinem tumen zuralimos savo si maj baro dä sar le duśmanosqo, haj khanć naj te avel tumenqe. 20 Dar na bukurin tumen kä äl duxuri aśunen tumenθar, haj bukurin tumen kä tumare anava si ramome anθ-o ćeri!
21 Atunć o Isus bukurisajlos anθ-o Duxo Sfïnto haj phendǎs:
— Nais tuqe, Dad!e, Raj le ćerosqo haj le phuǎqo, kä garadǎn kadal bukǎ kaθar äl manuś gogǎça haj manuś kaj sikiles, haj sikadǎn len le ćhavorränqe. Da, Dad!e, anθa kodoja kä kadǎ plaćuja tut tut. 22 Sǎ sas manqe dine kaθar muro Dad, haj konik ni ʒanel kon si o Ćhavo, afer dä o Dad, nić kon si o Dad, afer dä o Ćhavo haj kola savenqe kamel o Ćhavo te sikavel les.
23 Boldinǎjlos karing äl ućenićǎ haj phendǎ numa lenqe:
— Baxtale si äl jakha save dikhen äl bukǎ kaj dikhen len tume! 24 Kä phenav tumenqe kä but prooroća haj thagara kamnes te dikhen so dikhen tume, haj ni dikhles, haj kamnes te aśunen so tume aśunen, haj ni aśundes.
Kas träbul te jubiv?
25 Haj ita kä äk sikaitori le Krisaqo uśtilos te ćhul ke proba le Isusos haj phendǎ lesqe:
— Sikaitorina, so träbul te kerav kaśte primiv e viaca veśniko?
26 O Isus phendǎ lesqe:
— So ramol anθ-e Kris? Sar ćetis othe?
27 Ov dinǎs anglal:
— «Jubisar le Rajes, ke Devles, saorä ileça kiro, saorä sufletoça kiro, saorä zuralimaça kiro haj saorä gogǎça kiri»a Deuteronomo 6:5 haj «jubisar ke paśardes sar tut.»b Levitiko 19:18
28 O Isus phendǎ lesqe:
— Dinǎn anglal miśto. Kadǎ ker haj va trajsa.
29 Dar ov kamelas te sikavel kä si les ćaćimos haj phendǎs le Isusosqe:
— Haj kon si muro paśardo?
30 O Isus dinǎs anglal:
— Äk manuś mukelas pes tele anθa o Jerusalimo k-o Jerihono. Pelos anθ-äl vast le tïlxarenqe, save nangǎrde les, marde les, telǎrdes haj mukle les maj but mulo. 31 Ïntïmplosajlos te mukel pes sa pä kodov drom äk raśaj, haj dikhindos les, nakhlos pä kojaver rig le dromesqi. 32 Äk levito, ⸤savo sluźinas k-o Templo,⸥ nakhelas i ov othar. Kana dikhlǎ les, nakhlos pä kojaver rig le dromesqi. 33 Dar äk samaritjano,* Äl evrea ni dikhenas misco le samaritjaen. kaj ʒalas dakhatinenθe, areslos i ov lesθe, haj kana dikhlǎ les, kerdinǎjlos lesqe mila lesθar. 34 Gelos lesθe, phanglǎs lesqe räni päće ćhordǎs pä lenθe untdelemno haj mol. Haj ćhutǎ les pä pǒ xär, ïngǎrdǎ les kä äk xano haj dikhlǎs lesθar. 35 Anθä le dujenqo ges ïnkaladǎs duj franć ruposqe, dinǎ len le xanʒosqe haj phendǎ lesqe:
— Dikh lesθar, haj orso maj xasa leça, va dava tut kana va riva man.
36 Savo anθa-l trin kadala pakǎs kä sas o paśardo kolesqo kaj pelos anθ-äl vast le tïlxarenqe?
37 Ov phendǎs:
— Kova savesqe sas lesqe mila lesθar.
O Isus phendǎ lesqe:
— Ʒa haj ker i tu sa kadǎ!
Khere ke Marta haj ke Maria
38 Kana sas ïnkä p-o drom, o Isus ïntrisajlos anθ-äk gav. Haj äk ʒuvli kaj bućholas Marta primisardǎ les anθä pǒ kher. 39 Lan sas lan äk phej kaj bućholas Maria, savi beślis tele k-äl pïrne le Rajesqe haj aśunelas lesqe vorbe. 40 E Marta sas okupime kadiki dä but sluźimaça. Oj gelis k-o Isus haj phendǎ lesqe:
— Rai!a, ni xal tut e griźa kä mïrï phej muklǎ man te sluźiv korkoro? Kadǎ kä phen laqe te aźutil man! 41 O Isus dinǎ lan anglal:
— Marto, Marto, anθa but bukǎ xolǎos haj ïngriźoris tut, 42 dar numa äk buki träbul. E Maria alosardǎs e rig e laćhi savi ni va lela pes laθar.

a10:27 Deuteronomo 6:5

b10:27 Levitiko 19:18

*10:33 Äl evrea ni dikhenas misco le samaritjaen.