36
1 O Becaleel, o Oholiab haj saorä manuś kaj xakǎrdǒn, saven o Raj kerdǎ len gogǎça haj xakǎrimaça te ʒanen sar te keren o than o sfïnto, träbul te keren sǎ pala sar porunćisardǎsas o Raj.
O poporo anel daruri anθa o korto
2 O Mojsǎ dinǎs muj le Becaleelos, le Oholiabos haj saorä manuś kaj xakǎrdǒn, saven o Raj kerdǎ len gogǎça, sǎ kola kaj cïrde len o ilo, te aven haj te keren e buki. 3 Liles kaθar o Mojsǎ saorä daruri save andinesas len äl israelicǎ te keren o than o sfïnto. Haj o poporo sa maj anenas lenqe daruri, anθä fiosavi detexerin. 4 Atunć saorä manuś kaj xakǎrdǒnas, save kerenas saorä bukǎ k-o than o sfïnto, fiosavo kaθar pi buki, aviles 5 haj phendes le Mojsǎsqe:
— O poporo sa maj anel but maj but dä kabor träbul te keras äl bukǎ kaj porunćisardǎs o Raj.
6 O Mojsǎ ćhutǎs te den muj anθ-e tabära:
— Koniva, kä si murś, kä si ʒuvli, ta na maj keren daruri anθa o than o sfïnto!
Kadǎ oprisardǎs le poporos te maj anen daruri. 7 Areslos o materialo anθa saorä bukǎ, haj i maj aćhilos.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.