12
E Maria makhel äl pïrne le Isusosqe
O Matej 26:6-13; O Marko 14:3-9
Kadǎ kä śove gesença angla o ges o baro le Nakhimasqo, o Isus avilos anθ-e Betania, kaj sas o Lazäro, saves vazdǎ les anθa-l mule. Haj othe kerde lesqe xamos. E Marta sluźilas haj o Lazäro sas jekh anθa kola kaj beśenas leça ke sinia. Atunć e Maria lilǎs äk epaś okavaqi parfumo nardosqo uźo, but kuć, haj makhlǎs äl pïrne le Isusosqe haj khoslǎs lesqe pïrne pe balença. Haj o kher pherdilos kaθar o khandimos le parfumosqo. Atunć jekh anθa-l lesqe ućenićǎ, o Juda o Iskariotjano, savo urmǎlas te bikinel les, phendǎs:
Sosθe ni bikindinǎjlos kadav parfumo trine śälença dinarǎ* Äk dinari lelas äk manuś p-äk ges bukǎqo. haj te dinesas pes le ćoränqe?
Dar phendǎs kadaja na kä sas les griźa kaθar äl ćorä dar kä ov sas ćor haj lesθe sas e punga le lovenqi haj lelas so ćhulas pes anθä la. Atunć o Isus phendǎs:
— Muk lan, kä oj ïnkǎrdǎ les anθa o ges mïrä praxomasqo! Kä äl ćorä si tumença ïntotdjauna, dar me ni sem tumença ïntotdjauna.
Haj but manuś anθa-l evrea aśundes kä o Isus si anθ-e Betania haj aviles, na numa anθa o Isus, dar i te dikhen le Lazäros, saves vazdǎ les anθa-l mule. 10 Atunć äl bare le raśaěnqe hotärïsardes te mudaren i le Lazäros, 11 kä anθa lesqi kauza but anθa-l evrea telǎrenas lenθar haj pakǎěs anθ-o Isus.
O Isus si primime sar thagar anθ-o Jerusalimo
12 Anθä le donqo ges, äl but manuś kaj avilesas k-äl gesa äl bare, kana aśundes kä o Isus avel k-o Jerusalimo, 13 liles kreć palmierosqe, ïnklistes lesqe anglal, haj denas muj:
— „Osana! O kuvïnto osana si „slava lesqi”. Anθ-o Purano lil „osana” xakǎrdǒlas „xastra amen”.
Kova kaj avel anθ-o anav le Rajesqo si binekuvintime”,a Salmi 118:25-26
o thagar le Israelosqo!
14 O Isus arakhlǎsas äk xäroro haj uśtilos pä lesθe, pala sar si ramome:
15 „Na dara, e ćhej le Sionosqi:
Ita, kǒ thagar avel
ïnklisto p-äk pujo xärnǎqo.”b Isaja 62:11; Zaharia 9:9 16 Lesqe ućenićǎ ni xakǎrdes anglal äl bukǎ kadala, dar maj palal, kana o Del sikadǎs kabor dä baro si o Isus, atunć andine pesqe gogi kä äl bukǎ kadala sas ramome anθa lesθe, haj kerdinǎjles lesqe.
17 Atunć äl manuś kaj sas leça kana dinǎs muj le Lazäros anθa o than le praxomasqo haj vazdǎ les anθa-l mule phenenas merǒ so dikhles. 18 Haj kodolasqe ïnklistes but manuś angla lesθe, kä aśundes kä kerdǎsas o semno kodova. 19 Atunć äl fariseǎ phenenas maśkar pesθe:
— Dikhen kä ame ni aresas kathinende. Ita kä e lumja ʒal pala lesθe.
O Isus del duma anθa pǒ merimos
20 Maśkar kola kaj avilesas k-äl gesa äl bare te ïnkinon pes, sas i niśte greć. 21 Kadala aviles k-o Filip, kova kaj sas anθa-i Betsajda le Galileaqi, haj rugisarde les:
— Rai!a, kamas te malados le Isusoça.
22 O Filip gelos haj phendǎs le Andresqe, o Andrej haj o Filip geles haj phendes le Isusosqe. 23 Haj o Isus dinǎ len anglal:
— Avilos o ćaso kaśte dikhǒl pes kabor dä baro si o Ćhavo le Manuśäsqo. 24 Ćaćes, ćaćes phenav tumenqe: Kana e kukin le givesqi ni perel anθ-e phuv haj nić ni merel, atunć aćhol korkoro. Dar kana merel, anel but rodo. 25 Kova kaj jubil pi viaca, va xasarela lan, dar kon urïl pi viaca anθ-e lumja kadaja, va ïnkǎrela lan anθa-i viaca veśniko. 26 Kana sluźila manqe dakoniva, te ïnkǎrdǒl pala man! Haj kaj sem me, othe va avela i muro sluźitori. Kana dakoniva sluźila manqe, o Dad va ćinstila les.
27 Akanak muro ilo si tulburime. Haj so te phenav? «Dad!e, xastra man anθa o ćaso kadava»? Dar kodolasqe areslem k-o ćaso kadava. 28 Dad!e, sikav kabor dä baro si kǒ anav!
Atunć avilos äk glaso anθa o ćeri:
— Sikadem les, haj pale va sikavava les.
29 Kodolasqe äl but manuś kaj sas othe haj aśundes, phenenas kä sas äk bubuimos. Aver phenenas:
— Äk ïnʒero dinǎ lesqe duma.
30 O Isus dinǎs len anglal:
— Na anθa manθe aśundinǎjlos kadav glaso, dar anθa tumenθe. 31 Akanak si e kris kadaj lumǎqi, akanak o maj baro kadal lumǎqo va avela ćhudino avri. 32 Haj me, kana va avava vazdino pa-i phuv,c Joan 3:14 va cïrdava saorän manθe.
33 Phendǎ kadaja te sikavel sar si te merel.
34 Atunć äl manuś dine les anglal:
— Ame aśundǎm anθ-e Kris kä o Kristos aćhol pentru totdjauna.d Salmi 72:17; 89:4; 89:35-37; 110:1,4; Isaja 9:7; Ezekiel 37:25 Dar sar phenes tu kä o Ćhavo le Manuśäsqo träbul te avel vazdino? Kon si kadav Ćhavo le Manuśäsqo?
35 Atunć o Isus phendǎ lenqe:
— E lumina maj si äk cïra timpo tumença. Phiren kabor timpo si tumen lumina, kaśte na astarel tumen o tunjariko! Kon phirel anθ-o tunjariko ni ʒanel kaj ʒal. 36 Kabor timpo si tumen lumina, pakǎn anθ-e lumina, kaśte aven manuś luminaqe!
Päće phendǎ lenqe kadal bukǎ, o Isus telǎrdǎs haj garadilos lenθar.
But manuś ni pakǎěs
37 Dar, ku sǎ kä kerdǎsas kadikitǎ semnǎ angla lenθe, sa ni pakǎnas anθä lesθe, 38 kaśte kerdǒn äl vorbe le proorokosqe Isaja:
„Rai!a, ćaćes ni pakǎjas koniva amare vorbe?
Haj ćaćes, koniva ni dikhles äl bukǎ kerde kaθar o vast o zuralo le Rajesqo?”e Isaja 53:1
39 Kodolasqe ni daśtinas te pakǎn ⸤anθ-o Isus⸥, kä o Isaja pale phendǎs:
40 „Korardǎs lenqe jakha
haj zurardǎs lenqo ilo,
kaśte na dikhen le jakhença
haj ta na xakǎren le ileça haj ta na rin pes
kaśte sastǎrav len.”f Isaja 6:10
41 O Isaja phendǎ kadala kä dikhlǎs lesqi slava haj dinǎs duma anθa lesθe. 42 Kjar kadǎ, kjar anθa-l maj bare, but pakǎěs anθä lesθe, dar kä darajles kaθar äl fariseǎ, ni phenenas orkasqe, kaśte na aven dine avri anθa-i sinagoga le evreenqi. 43 Anθa kodoja kä plaćujas len te aven ćinstime maj but kaθar äl manuś dä sar kaθar o Del.
44 O Isus dinǎs muj:
— Kon pakǎl anθä manθe, ni pakǎl anθä manθe dar pakǎl anθä kova kaj dinǎ man drom. 45 Haj kon dikhel man man, dikhel koles kaj dinǎ man drom. 46 Me avilem sar lumina anθ-e lumja, ka saorä save pakǎn anθä manθe ta na maj train anθ-o ïntunjariko. 47 Haj kana dakoniva aśunel mïrä vorbe haj ni ïnkǎrel len, na me krisov les. Käć ni avilem te krisov e lumja, dar avilem te xastravav e lumja. 48 Kon ćhudel man haj ni lel mïrä vorbe, si so te krisol les: äl vorbe save phendem len, kodola va krisona les anθ-o paluno ges. 49 Anθa kodoja kä me ni dinem duma manθar, dar o Dad, kaj dinǎ man drom, ov porunćisardǎ manqe so te phenav haj so te dav duma. 50 Haj ʒanav kä lesqi porunka anel viaca veśniko. Kodolasqe so me dav duma, dav duma sar phendǎs manqe o Dad.

*12:5 Äk dinari lelas äk manuś p-äk ges bukǎqo.

12:13 O kuvïnto osana si „slava lesqi”. Anθ-o Purano lil „osana” xakǎrdǒlas „xastra amen”.

a12:13 Salmi 118:25-26

b12:15 Isaja 62:11; Zaharia 9:9

c12:32 Joan 3:14

d12:34 Salmi 72:17; 89:4; 89:35-37; 110:1,4; Isaja 9:7; Ezekiel 37:25

e12:38 Isaja 53:1

f12:40 Isaja 6:10