14
O Samson alol pesqe rromni
1 O Samson muklǎs pes haj gelos ke Timna haj othe dikhlǎs äk filistjanka. 2 Kana gelos pesqe khere, phendǎs pe dadesqe haj pe daqe:
— Anθ-e Timna dikhlem äk filistjanka. Akanak len lan manqe dä rromni!
3 Lesqo dad haj lesqi dej phende lesqe:
— Ćaćes, naj nić äk ʒuvli maśkar amaro njamo sau anθä saoro poporo amaro, da phires te les tuqe rromni kaθar äl filisteǎ kola bićhinde tele?
Dar o Samson phendǎs pe dadesqe:
— Lan te len lan manqe, kä man plaćol man laθar!
4 Lesqo dad haj lesqi dej ni ʒanenas kä e buki kadaja sas kaθar o Raj, savo rodelas äk motivo kontra le filistjaenqi. Anθ-o timpo kodova äl filisteǎ stäpïninas p-o Israelo.
E abgin anθa o xojto le leosqo
5 O Samson gelos ke Timna pe dadeça haj pe daça. Kana aresle k-äl reza le Timnaqe, dikh, ïnklistos lesqe anglal äk leo tärno räknindos. 6 O Duxo le Rajesqo avilos zuralimaça pä lesθe haj ov pharadǎs le leos sar äk jedos, bi khanćesqo anθ-äl vast. Haj ni phendǎs pe dadesqe haj pe daqe so kerdǎsas. 7 Pala kodoja gelos te del duma le ʒuvlǎça, haj les plaćuja les laθar.
8 Pala äk timpo riasajlos te lel lan dä rromni, haj dinǎs pes rigaθe anθa o drom kaśte dikhel o stïrvo le leosqo. Haj ita kä anθ-o stïrvo le leosqo sas äk rojo birondǎnqo haj abgin. 9 Ïnkaladǎs e abgin le vasteça haj xandos telǎrdǎs maj dur.a Numerǎ 6:6 Haj kana areslos kä pǒ dad haj kä pi dej, dinǎs len i len, haj xale i on. Ni phendǎs lenqe kä ïnkaladǎsas e abgin anθa o stïrvo le leosqo* O stïrvo le leosqo kerdǎs e abgin maxrime..
O abǎv haj e gićitoarja le Samsonosqi
10 Pala kodoja lesqo dad gelos ke ʒuvli kodoja kaśte mangel lan. Othe o Samson kerdǎs äk abǎv, käć kadǎ obiśnuinas äl tärne. 11 Kana kodola othar dikhle les, dine muj trǎnda manuś te beśen leça. 12 O Samson phendǎs lenqe:
— Muken man te phenav tumenqe äk gićitoarja. Kana va daśtina te gićin lan anθ-äl jefta ges le petrećerjaqe, va dava tumen trǎnda gada inosqe haj trǎnda hajne laćhe. 13 Dar kana ni daśtina te gićin lan, atunć va dena man tume trǎnda gada inosqe haj trǎnda hajne laćhe!
On phende lesqe:
— Phen amenqe e gićitoarja te aśunas lan!
14 Ov phendǎs lenqe:
— Anθa kova kaj xal, ïnklistos xamos, anθa o zuralo ïnklistos guglo.
Timpo trine gesenqo ni daśtisajle te gićin e gićitoarja. 15 Anθä le śtarenqo ges phende le rromnǎqe le Samsonosqi:
— Guguisar ke rromes te phenel amenqe e gićitoarja, aver felo va daça jag i tut haj i ke famelia! Dinen amen muj kathe kaśte ćoraren amen?
16 Haj e rromni le Samsonosqi rovelas paśa lesθe haj phenelas lesqe:
— Ćaćes tu uros man haj ni jubis man. Phendǎn äk gićitoarja kolenqe anθa muro poporo, haj manqe ni phendǎn so xakǎrdǒl!
Ov phendǎs laqe:
— Dikh, ni phendem lan nić mïrä dadesqe haj mïrä daqe, sar te phenav lan tuqe?
17 Dar oj rujas paśa lesθe anθä saorä jefta ges le abǎvesqe. Kana aresle anθä le jeftanqo ges, ov, pentru kä mereo xolǎrelas les, phendǎs lan laqe. Pala kodoja oj phendǎs sar xakǎrdǒl e gićitoarja le manuśänqe anθa laqo poporo. 18 Anθä le jeftanqo ges, ʒi kaj te perel o kham, äl manuś anθa o foro phende lesqe:
— So si maj guglo dä sar e abgin haj so si maj zuralo dä sar o leo?
Dar ov phendǎs lenqe:
— Ta na fi arisardenas mïrä vicauaça, ni afi gićisardenas mïrï gićitoarja.
19 O Duxo le Rajesqo avilos zuralimaça pä lesθe haj ov gelos k-o foro le filistejenqo Aśkelon. Mudardǎs trǎnda ʒene anθa lenqe manuś haj lilǎs lenqe bukǎ. Dinǎs äl hajne kolen kaj gićisardesas e gićitoarja, haj xolǎme risajlos anθ-o kher pe dadesqo. 20 E rromni le Samsonosqi sas dini kä jekh anθa kola kaj sas leça, lesqo amal.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.