10
Äl manuś pherel e phuv
Kadala si äl bukǎ kaj kerdinǎjles anθ-äl nǎmuri le ćhavenqe le Nojasqe, o Sem, o Ham haj o Jafet. Päće sas tasadi e phuv, kerdinǎles lenqe ćhave. Äl ćhave le Jafetosqe: o Gomer, o Magog, o Madaj, o Javan, o Tubal, o Meśek haj o Tiras. Äl ćhave le Gomerosqe: o Aśkenaz, o Rifat haj o Togarma. Äl ćhave le Javanosqe: o Eliśa, o Tarśiś, o Kitim haj o Dodanim. Anθa-l ćhave le Javanosqe duriles äl nǎmuri kaj beśen paśa o paj o baro, anθä lenqe thema, pala-i ćhib fiosavesqi, pala lenqe fameli, pala lenqe nǎmuri.
Äl ćhave le Hamosqe: o Kuś, o Eʒipt, o Put haj o Kanaan. Äl ćhave le Kuśosqe: o Seba, o Havila, o Sabta, o Raema haj o Sabteka. Äl ćhave le Raemasqe: o Śeba haj o Dedan. O Kuś sas o dad le Nimrodosqo: ov sas o angluno manuś zuralo pe phuv. Ov sas o maj laćho vïnätori anθ-e lumja; ita sosθe phendǒl: „Sar o Nimrod, o vïnätori o maj laćho anθ-e lumja.” 10 Anglal sas thagar anθ-äl foruri Babel, Erek, Akad haj Kalne, anθ-o Them Śinar. 11 Anθa o them kadava ïntrisajlos anθ-e Asiria; vazdǎs o Ninive, o Rehobot-Ir, o Kalah 12 haj o Resen maśkar o Ninive haj o Kalah: kadava si o foro o baro.
13 O Eʒipto sas o dad le poporenqo Lud, Anam, Lehab, Naftuh, 14 Patrus, Kasluh (kaθar ïnkliste äl filistǎ) haj Kaftor.
15 O Kanaan sas o dad le Sidonosqo, o angluno lesqo kerdo, haj le Hetosqo, 16 haj le poporenqo Jebus, Amor, Girgas, 17 Hev, Ark, Sin, 18 Arvad, Cemar, Hamat. Pala kodoja, äl nǎmuri le kanaanicenqe mukisajles dur jekh avresθar. 19 O them le kanaanicenqo sas kaθar o Sidon karing o Gerar ʒi ke Gaza, haj karing e Sodoma, Gomora, Adma haj Ceboim, ʒi ke Leśa. 20 Kadala si äl ćhave le Hamosqe pala lenqe fameli, pala lenqe ćhiba, pala lenqe thema, pala lenqe nǎmuri.
21 Haj i le Semosqe kerdinǎles lesqe ćhave. Ov sas o dad saorä ćhavenqo le Eberosqe, haj sas o phral o maj baro le Jafetosqo. 22 Äl ćhave le Semosqe: o Elam, o Asur, o Arpakśad, o Lud haj o Aram. 23 Äl ćhave le Aramosqe: o Uc, o Hul, o Geter haj o Maś. 24 O Arpakśad sas o dad le Śelahosqo, haj o Śelah sas o dad le Eberosqo. 25 Le Eberosqe kerdinǎles lesqe duj ćhave: o anav jekhesqo sas Peleg,* O anav Peleg xakǎrdǒl „xulaimos”. phendolas lesqe kadǎ kä pä lesqi vremja xuladilis e phuv. O anav lesqe phralesqo sas Joktan. 26 Äl ćhave le Joktanosqo sas: o Almodad, o Śelef, o Acarmavet, o Jerah, 27 o Adoram, o Uzal, o Dikla, 28 o Obal, o Abimael, o Śeba, 29 o Ofir, o Havila haj o Jobab. Sǎ kadala sas äl ćhave le Joktanosqe. 30 O them kaj beśenas sas kaθar e Meśa ʒi k-o Sefar (äl plaja le räsärimasqe). 31 Kadala si äl ćhave le Semosqe pala lenqe fameli, pala lenqe ćhiba, pala lenqe thema, pala lenqe nǎmuri.
32 Kadala si äl fameli le ćhavenqe le Nojasqe pala lenqe dada, pala lenqe nǎmuri. Anθa lenθe duriles äl nǎmuri pe phuv päće sas tasadi e phuv.

*10:25 O anav Peleg xakǎrdǒl „xulaimos”.