12
Päće mudarde le Jakovos phandade le Petres
Kam anθ-o timpo kodova, o thagar o Irod ćhutǎs o vast pä niśte manuś anθa-i khangeri te kerel lenqe nasul. Mudardǎs le sabǎça le Jakovos, o phral le Joanosqo. Kana dikhlǎs kä le evreen plaćol len e buki kadaja, maj ćhutǎs o vast i p-o Petre. Sas äl gesa bare le Azimenqe.a Eksodo 12:17 Päće astardǎ les, ćhutǎ les anθ-e temnica. Dinǎ les p-äl vast śtare ćjatenqo p-o śtar soldacǎ anθ-e ćjata. Kamnos te ïnkalavel les angla o poporo pala o baro ges le Nakhimasqo* O baro ges le Nakhimasqo sas k-äl evrea o ges kana den pen gogi de kana inklistes anθa-i Eʒipto.. Kadǎ kä o Petre sas ïnkǎrdo anθ-e temnica, haj e khangeri rugilas pes anθa lesθe le Devlesqe jagaça.
Äk ïnʒero xastravel le Petres anθa o phandaimos
Kana o Irod sas te ïnkalavel les kaśte krisol les, äk rakǎça maj anglal, o Petre sovelas maśkar duj soldacǎ, phanglo duje lancurença, haj aver soldacǎ päzinas e temnica k-o udar. Anθa-k data äk ïnʒero le Rajesqo beślos paśa lesθe haj strälućisardǎs äk lumina anθ-e ćelula. Dindos dab äl praśave le Petresqe, o ïnʒero vazdǎ les haj phendǎ:
— Uśti sigo!
Haj äl lancuri peles tele pa lesqe vast. Pala kodoja ov phendǎs lesqe:
— Phande ki xaravli haj ćhu ke sandale anθ-äl pïrne!
Haj ov kadǎ kerdǎs. Haj o ïnʒero phendǎ lesqe:
— Le ki hajna pä tuθe haj av pala manθe!
Ïnklistindos avri, ov gelos pala lesθe, dar ni ʒanelas kä si ćaćes so kerelas o ïnʒero. Pakǎlas kä si äk dikhimos. 10 Päće nakhles kaθar e angluni haj le donqi straźa, aresles ke poarta le sastresqi savi del anθ-o foro. Kadaja putardilis korkoro angla lenθe, ïnklistes haj geles äk ulica. Haj anθa-k data o ïnʒero telǎrdǎ lesθar. 11 Atunć o Petre, dindos pi sǎma so kerdinǎjlosas, phendǎ pesqe:
— Akanak ʒanav ćaćes kä o Raj dinǎs drom pe ïnʒeros haj xastradǎ man anθa o vast le Irodosko haj kaθar sǎ so aźukǎrelas o poporo evreo.
12 Kana dinǎs pi sǎma anθa kadaja, gelos k-o kher le Marǎqo, e dej le Jonosqi savesqe maj phendolas i Marko, kaj sas but kidine haj ruginas pes. 13 Kana ov mardǎs k-o udar kaθar e intrarǎ, äk sluźnika p-o anav Roda gelis te dikhel kon si. 14 Prinʒandǎs o glaso le Petresqo, haj dä bukurě ni putardǎs o udar, haj naślis andrä haj phendǎ lenqe kä o Petre beśel ke poarta. 15 On phende laqe:
— San dili!
Dar oj sa phenelas kä kadǎ si. Dar on phenenas:
— Si lesqo ïnʒero.
16 Dar o Petre sa marelas k-o udar. Kana putardes, dikhle les, haj aćhiles kremenime. 17 Pala kodoja o Petre kerdǎ lenqe semno le vasteça te aćhon, haj phendǎ lenqe sar ïnkaladǎ les o Raj anθa o phandaimos. Maj phendǎs:
— Phenen kadala le Jakovosqe haj le phralenqe!
Pala kodoja ïnklistos haj gelos anθä aver than.
18 Kana kerdilos ges, e tulburarǎ nas cïjni maśkar äl soldacǎ. On pućenas pes so kerdilos le Petreça? 19 O Irod, päće rodǎ les haj ni arakhlǎ les, lilǎs k-äl pućimata le gärzen haj porunćisardǎs te mudaren len. Pala kodoja telǎrdǎs anθa-i Judea ke Ćezarea, haj beśelas othe.
O merimos le Irodosko
20 Haj o Irod sas but xolǎme p-äl manuś anθa o Tir haj anθa o Sidon. Dar kadala aviles anθ-äk gïndo lesθe, haj päće liles anθä pi rig le Blastos, savo sas o maj baro pe odaja le sovimasqi le thagaresqi, mangles paćja, käć lenqo them lelas xamos anθa o them le thagaresqo.
21 Anθ-äk ges hotärïme, o Irod hurǎdilos pe coalença thagarane, beślos p-o skauno le thagarimasqo haj delas duma le manuśänqe kidine. 22 Äl manuś denas muj:
— Si o glaso äk zeosqo, na manuśäsqo!
23 P-o than dinǎ les dab äk ïnʒero le Rajesqo, anθa kodoja kä ni phenelas kä o Del si o baro, haj xalo kermenθar mulos.
24 O kuvïnto le Devlesqo räspïndilas pes sa maj but haj barǒlas.
O Pavel haj o Barnabo dine drom kaθar e khanʒeri
25 O Barnaba haj o Saul, päće termenisardes pi buki anθ-o Jerusalimo, risajles, lindos peça le Jonos, phendo i Mark.

a12:3 Eksodo 12:17

*12:4 O baro ges le Nakhimasqo sas k-äl evrea o ges kana den pen gogi de kana inklistes anθa-i Eʒipto.