34
O Del phiravel grijatar
(⸤Ăc ghili⸥ le Davidoschi, cana cherdilos că si dilo angla o Abimelec, savo gonisardea les, hai ov ghelos.a 1 Samuel 21:13)
1 Va binecuvintiva le Raies andă saoro timpo,
leschi lauda si te avel întotdeauna anda muro mui.
2 Muro ilo si te fălil pes le Raiesa!
Te așunen ăl smerime hai te bucurin pes!
3 Phenen manța că o Rai si baro!
Te lăudis and-ăc than lesco anav!
4 Rodem le Raies, hai dinea man anglal
hai hastradea man anda saoră grij mîră.
5 Cola cai dichen leste luminil pes lengo mui,
hai lengo mui ni loleol lagiavestar.
6 Cadav manuș smerime dinea mui,
hai o Rai așundeas
hai hastradea les anda saoră nasulimata lesche.
7 O Îngero le Raiesco păzil len andă saoră riga colen cai daran lestar,
hai hastravel len.
8 Han hai dichen cabor dă lacio si o Rai!
Bahtalo si o manuș savo rodel azăvada leste!
9 Daran catar o Rai, lesche sfinți,
că cola cai daran lestar ni înghearen lipsa chanceschi!
10 Ăl puia le leeosche înghearen lipsa hai si lenghe boch,
dar cola cai roden le Raies ni înghearen lipsa nici ăc miștimaschi.
11 Aven mîră ciave, hai așunen man,
si te sicavav tumen so si e dar le Raiesche!
12 Savo si o manuș cai camel e viața
hai camel ăc viața lungo te dichel o lacimos?
13 ⸤Atunci⸥ ferisar chi cib catar o nasul,
hai che ușt te na phenen ohaiimata!
14 Dureo catar o nasul hai cher o miștimos;
rode e pacea hai naș pala la!
15 Ăl iacha le Raiesche dichen le ciacen
hai lesche can așunen cana den mui ⸤te hastravel len⸥.
16 O mui le Raiesco si contra colenghi cai cheren nasul
caște chosel e amintirea lenghi pa-i phuv.
17 Den mui ⸤ăl ciace⸥, hai o Rai așunel
hai hastravel len anda saoră necazuri lenghe.
18 O Rai si pașă cola le ilesa pharo,
hai hastravel colen le duhosa încheardo.
19 But si ăl necazuri le ciacesche,
dar o Rai hastravel les anda sea,
20 păzil saoră cocalea lesche,
nici iech anda lende nai încheardo.
21 O nasulimos mudarel coles cai cherel nasul,
hai cola cai uron le ciaces va avena pedepsime.
22 O Rai pochinel o sufleto pe robengo,
hai nici iech anda cola cai roden azăvada leste nai te aven pedepsime.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.