21
O sap le harcomaco
4 Teleardes catar o Plai o Hor po drom cai înghearel caring o Baro Pai le Trestiengo, caște nachen pașa o Them le Edomosco. O poporo hasardeas pi răbdarea po drom 5 hai dines duma contra le Devleschi hai le Moiseaschi:
— Soste încaladen amen anda o Egipto caște meras ande mulani? Că nai nici marno, nici pai, hai ciailileam catar cadav hamos chancivalo!
6 Atuncia o Rai dineas drom contra le poporoschi niște sapa velinime cai dandardes o poporo, cadea că mules but manuș anda o Israelo. 7 O poporo avilos co Moisea hai phendeas:
— Cherdeam bezeh, că dineam duma contra le Raieschi hai contra chiri. Rughisao le Raiesche, caște durearel amendar cadal sapen!
O Moisea rughisailos anda o poporo. 8 O Rai phendeas le Moiseasche:
— Cher ăc sap hai ciu les păc cașt! Cana daconiva si dandardo hai vardil caring leste, va traiila.
9 O Moisea cherdea ăc sap harcomaco hai ciutea les păc cașt. Cana daconiva sas halo catar ăc sap hai dichleas caring o sap le harcomaco, traiilas.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.