1 Ăc data o Isus rughilas pes andăc than. Cana termenisardeas, iech andal lesche ucenicea phendea lesche:

— Raia, sicav amen te rughis amen, sar i o Ioan sicadeas pe ucenicen!

2 Ov phendea lenghe:

— Cana rughin tumen, te phenen:

5 Hai mai phendea lenghe:

— Te phenas că ieches anda tumende si les ăc amal hai che epaș le reacheachi gial leste hai phenel lesche: «Amala, de man ugile trin bocolea, 6 că, doar so areslos mande, ăc amal mîrăstar poa drom, hai nai man chanci te dav les te hal.» 7 Hai te phenas că andral anda o cher, o amal cadava del tumen anglal: «Muc man ande pacea! O udar si deja phandado, me hai mîră ciave seam ando pato, ni daștiv te ușteav hai te dav tut.» 8 Phenav tumenghe: chear că ni uștelas te del tumen că si tumaro amal, dar caște na cherdeol lagiavesco, va uștela hai va dela tumen sea so trăbul tumen.

9 Codolasche i me phenav tumenghe: manghen, hai va dela pes tumenghe, roden, hai va arachena, maren, hai o udar va putardeola tumenghe. 10 Anda codoia că cova savo manghel, va primila, cova savo rodel, va arachela, hai cova savo marel, va putardeola lesche o udar.

11 Savo dad anda tumende, cana lesco ciavo manghel lesche ăc macio, va dela les ăc sap ando than le macesco? 12 Sau, cana manghela ăc arno, va dela les ăc scorpiono? 13 Cadea că cana tume, save sen nasul, gianen te den buchea lace tumare ciaven, cabor mai but tumaro Dad anda o ceri va dela o Duho Sfînto colenghe cai manghen les!

14 Ăc data o Isus încalavelas ăc beng savo sas muto. Păce înclistos o beng, o muto începosailos te del duma, hai ăl manuș chidine mirisailes. 15 Dar aver phenenas:

— Încalavel le benghen le Beelzebulosa, o baro le benghengo.

16 Aver, te ciun les che proba, manghenas lesche te sicavel lenghe ăc semno catar o Del.

17 O Isus pringiandeas lenghe gînduri hai phendea lenghe:

— Cana andăc them ăl manuș mardeon contra iech avreschi, o them distrugil pes. Hai cana andăc familia ăl manuș mardeon iech contra avreschi, e familia va distrugila pes. 18 Deci, cana o Satana mardeol pi contra, sar va mai aciola lesco thagarimos? Phenav cadaia că phenen că me încalavav le benghen le Beelzebulosa. 19 Hai cana me încalavav le benghen le Beelzebulosa, tumare manuș casa încalaven len? Codolasche on si te aven tumare crisitorea! 20 Dar cana me încalavav le benghen le vastesa le Devlesco, o thagarimos le Devlesco avilos tumende. 21 Dar cana ăc manuș zuralo hai mișto armime păzil peo cher, lesche buchean si len pacea. 22 Dar cana iech mai zuralo avel contra leschi hai marel les, lel lesche arme andă save bazolas pes hai hulavel e prada lili lestar. 23 Cova savo nai manța, si mîrî contra, hai con ni chidel manța, risipil.

24 Cana ăc duho nasul înclel avri anda ăc manuș, phirel andăl thana bi paiesco hai rodel odihna. Că ni arachel lan, phenel pesche: «Va riva man andă muro cher catar înclistem!» 25 Hai cana avel, arachel les șîlado hai cherdi ordinea. 26 Atunci gial hai mai lel pesa aver iefta duhuri, mai nasul dă sar leste. Gian te beșen othe, hai e starea mai palal le manușăschi codoleschi va avela mai nasul dă sar anglal.

27 Ando timpo so phenelas o Isus cadal vorbe, ăc giuvli anda o mașcar le manușăngo dineas mui:

— Bahtalo si o pînteco cai phiradea tut hai ăl ciucia cai pilean len!

28 Ov phendeas:

— Mai sigo si bahtale cola save așunen o cuvînto le Devlesco hai cheren les!

29 Ando timpo so chidenas pes i mai but manuș, ov începosailos te phenel:

— Ăl manuș save train acana si manuș pherde nasulimos. Manghen ăc semno, dar ni va dela pes lenghe aver semno numa o semno le proorocosco Iona. 30 Că sar o Iona sas ăc semno andal Ninivea, sa cadea i o Ciavo le Manușăsco va avela ăc semno andal manuș save train acana. 31 Ando ghes le crisaco, e thagarni catar o sudo si te avel e martora contra le manușănghi save train acana hai va osîndila len. Că oi avilis catar o șăro le phuiaco te așunel e goghi le Solomonoschi. Hai ita că cathe si iech mai baro dă sar o Solomon.a 1 Thagara 10:1-13 32 Ando ghes le crisaco, ăl murș andai Ninive va avena martorea contra le manușănghi save train acana hai va osîndina len. Că on mucles o bezeh hai boldineailes co Del cana o Iona phenelas o mesaj catar o Del. Hai ita că cathe si iech mai baro dă sar o Iona.b Iona 3

33 Coniva păce astardeas ăc lampa, ni ciul lan andăc than garado sau tala ăc banița, hai ciul lan dachatinende opre, ca cola cai întrin te dichen e lumina.c Luca 8:16 34 Chi iach si e lumina che truposchi. Cana chi iach si lacii, saoro trupo chiro si pherdo lumina. Dar cana chi iach si nasul, cheo trupo si pherdo întunearico. 35 Cadea că le sama, ca e lumina cai si andă tute ta na avel cali! 36 Cadea că, cana saoro trupo chiro si pherdo lumina, hai nai les nici ăc rig cali, va avela andă sea pherdo lumina, sar atunci cana luminilas tut ăc lampa pe luminasa.

37 Ando timpo so o Isus mai delas duma, ăc fariseeo rughisardea les te hal leste. Ov întrisailos hai beșlos che sinia. 38 O fariseeo sas mirime cana dichleas că o Isus ni thovel pes păl vast gi cai te hal. 39 Dar o Rai phendea lesche:

— Ei, tume ăl fariseia, tume ujon avreal e rig le paharenghi hai le farfurienghi, dar andral sen pherde ciorimos hai nasulimos! 40 Manuș dile, oare cova cai cherdeas e rig avreal ni cherdeas i coia andral? 41 Den le ciorăn so si andă lende, hai atunci sea va avela uje anda tumende!

45 Iech andal sicaiitorea le Crisache dine les anglal:

— Sicaiitorina, cana phenes cadal buchea, jignos amen i amen.

46 Ov phendeas:

53 Cana o Isus înclistos othar, ăl sicaiitorea le Crisache hai ăl fariseia începosailes te atăchin les dușmăniasa hai te pucen les anda but buchea, 54 că cherde planuri te astaren le Isusos te phenel daiicii greșime.