12
Păce mudarde le Iacovos, phandade le Petres
Cam ando timpo codova, o thagar o Irod ciuteas o vast pă niște manuș andai changheri te cherel lenghe nasul. Mudardeas le sabiasa le Iacovos, o phral le Ioanosco. Cana dichleas că le evreen placiol len e buchi cadaia, mai ciuteas o vast i po Petre. Sas ăl ghesa bare le Azimenghe.a Exodo 12:17 Păce astardea les, ciutea les and-e temnița. Dinea les păl vast ștare ceatengo po ștar soldațea and-e ceata. Camnos te încalavel les angla o poporo pala o baro ghes le Nachimasco* O baro ghes le Nachimasco si căl evreea o ghes cana den pen goghi de cana inclistes andai Egipto.. Cadea că o Petre sas încheardo and-e temnița, hai e changheri rughilas pes anda leste le Devlesche iagasa.
Ăc îngero hastravel le Petres anda o phandaiimos
Cana o Irod sas te încalavel les caște crisol les, ăc racheasa mai anglal o Petre sovelas mașcar dui soldațea phanglo duie lanțurența, hai aver soldațea păzinas e temnița co udar. Andac data ăc îngero le Raiesco beșlos pașa leste hai strălucisardeas ăc lumina and-e celula. Dindos dab ăl prașave le Petresche, o îngero vazdea les hai phendea:
— Uști sigo!
Hai ăl lanțuri peles tele pa lesche vast. Pala codoia ov phendeas lesche:
— Phande chi haravli hai ciu che sandale andăl pîrne!
Hai ov cadea cherdeas. Hai o îngero phendea lesche:
— Le chi haina pă tute hai av pala mande!
Înclistindos avri ov ghelos pala leste dar ni gianelas că si ciaces so cherelas o îngero. Pachealas că si ăc dichimos. 10 Păce nachles catar e angluni hai le donghi straja, aresles ch-e poarta le sastreschi savi del ando foro. Cadaia putardilis corcoro angla lende, înclistes hai gheles ăc ulița. Hai andac data o îngero teleardea lestar. 11 Atunci o Petre, dindos pi seama so cherdineailosas, phendea pesche:
— Acanac gianav ciaces că o Rai dineas drom pe îngeros hai hastradea man anda o vast le Irodosco hai catar sea so ajuchearelas o poporo evreeo.
12 Cana dineas pi seama anda cadaia, ghelos co cher le Mariaco, e dei le Ionoschi savesche mai phendolas i Marco, cai sas but chidine hai rughinas pes. 13 Cana ov mardeas co udar catar e intrarea, ăc slujnica po anav Roda ghelis te dichel con si. 14 Pringiandeas o glaso le Petresco hai dă bucuriie ni putardeas o udar, hai nașlis andră hai phendea lenghe că o Petre beșel ch-e poarta. 15 On phende lache:
— San dili!
Dar oi sa phenelas că cadea si. Dar on phenenas:
— Si lesco îngero.
16 Dar o Petre sa marelas co udar. Cana putardes, dichle les hai aciles cremenime. 17 Pala codoia o Petre cherdea lenghe semno le vastesa te acion hai phendea lenghe sar încaladea les o Rai anda o phandaiimos. Mai phendeas:
— Phenen cadala le Iacovosche hai le phralenghe!
Pala codoia înclistos hai ghelos andă aver than.
18 Cana cherdilos ghes, e tulburarea nas țîini mașcar ăl soldațea. On pucenas pes so cherdilos le Petresa. 19 O Irod, păce rodea les hai ni arachlea les, lileas căl pucimata le gărzen hai poruncisardeas te mudaren len. Pala codoia teleardeas andai Iudeea ch-e Cezareea, hai beșelas othe.
O merimos le Irodosco
20 Hai o Irod sas but holeame păl manuș anda o Tir hai anda o Sidon. Dar cadala aviles andăc gîndo leste hai păce liles andă pi rig le Blastos, savo sas o mai baro p-e odaia le sovimaschi le thagareschi, mangles pacea, căci lengo them lelas hamos anda o them le thagaresco.
21 Andăc ghes hotărîme, o Irod hureadilos pe țoalența thagarane, beșlos po scauno le thagarimasco hai delas duma le manușănghe chidine. 22 Ăl manuș denas mui:
— Si o glaso ăc zeeosco, na manușăsco!
23 Po than dinea les dab ăc îngero le Raiesco anda codoia că ni phenelas că o Del si o baro, hai halo chermendar mulos.
24 Hai o cuvînto le Devlesco răspîndilas pes sa mai but hai bareolas.
O Pavel hai o Barnaba dine drom catar e changheri
25 O Barnaba hai o Saul, păce termenisardes pi buchi ando Ierusalimo, risailes, lindos pesa le Ionos, phendo i Marc.

a12:3 Exodo 12:17

*12:4 O baro ghes le Nachimasco si căl evreea o ghes cana den pen goghi de cana inclistes andai Egipto.