Trin manuș aviles co Avraam
18
1 O Rai sicadilos le Avraamosche
căl bare stejarea le Mamresche,
cana ov beșelas ando mui le cortosco
po baro tatimos le ghesesco.
2 Ov vazdeas pe iacha opre
hai dichleas trin manuș
cai beșenas andă pîrnende,
pașa leste.
Cana ov dichlea len catar o mui le cortosco,
nașlos angla lende,
banghilos gi che phuv
3 hai phendeas:
— Muro Rai,
acanac cana sem lacio angla tute,
rughiv tut ta na naches pașa cheo robo!
4 Muc,
rughiv tut,
te anav ăc țîra pai
te thoven tumare pîrne,
hai beșen tela cav stejari!
5 Te anav ăc cotor marno te zuralen tumare ile!
Pala codoia dichen catar tumaro drom,
păce dichena tumare robos!
— Cher sar phendean!
6 O Avraam ghelos sigo ando corto che Sara
hai phendeas:
— Le sigo trin gărniți arăsche,
aro parno,
frămîntisar len hai cher bocolea!
7 Hai o Avraam nașlos căl animalea
hai lileas ăc guruv tărno hai lacio,
cai dinea les că ăc sluga
te cherel les sigo hamos.
8 Pala codoia lileas thud hai chiral
andăc than le guruvesa le tărnesa
cai sas cherdo hamos
hai ciutea len angla lende.
Ov beșlos pașa lende tala o stejari
gi cana on hales.
9 Pala codoia on phende lesche:
— Cai si chiri romni e Sara?
— Ocote ando corto.
—
10 Gi bărșă che vremea cadaia
si te avav palpale tute
hai dich,
e Sara,
chiri romni si te avel lan ăc ciavo.
E Sara așundeas pala o mui le cortosco.
11 O Avraam hai e Sara sas phure,
but bărșenghe.
Le Sarache ni mai avelas lache sar le giuvleanghe.
12 E Sara asaias andă peste hai phendeas:
— Acanac căl phurimata
te mai avel man e bucuria le ciavenghi?
Muro rom o rai,
i ov si phuro!
13 Hai o Rai phendea le Avraamosche:
— Soste phendeas e Sara asandos:
«Si ciaces te mai bianav?
Me sem phuri!»
14 Si dac buchi phari angla o Rai?
Che vremea cai phendem,
me avav palpale tute
hai le Sara si te avel lan ăc ciavo.
15 Hai e Sara ni pringiandeas hai phendeas:
— Ni asaiem!
— că sas lache dar.
Hai ov phendeas:
— Ni,
că asaian.
O Avraam rughil le Devles
16 Ăl manuș uștile opre othar te telearen,
hai dichles tele caring e Sodoma,
hai o Avraam ghelos te nachavel len.
17 Hai o Rai phendeas:
— Te garavav me catar o Avraam
so si te cherav?
18 O Avraam si te aresel ăc neamo baro hai zuralo
hai si te avel binecuvintime andă leste
saoră manuș pa-i phuv.
19 Alegisardem le Avraamos
că si te sicavel pe ciaven hai i lenghe ciaven
te așunen mandar.
Cana on cheren so si ciacimos hai miștimos,
o Rai si te cherel sea so ov phendeas le Avraamosche.
20 Hai o Rai phendeas:
— O zbărîmos caring e Sodoma hai e Gomora barilos,
hai lengo bezeh si ciaces cadea dă pharo,
21 codolasche si te dav man tele
hai te giav te dichav cana ciaces cherdes buchi
pala o zbărîmos cai avilos gi mande.
Cana ni avela cadea,
si te gianav.
22 Ăl manuș codola duriles
hai teleardes caring e Sodoma.
O Avraam sa mai beșlas angla o Rai.
23 O Avraam pașilos hai phendeas:
— Ciaces si te mudares
i le laces hai i le nasules andăc than?
24 Cana avela ando foro peinda gene lace?
Mudares len i len,
hai ni va iertisa o than codova
anda cola peinda gene lace
cai si ando foro?
25 Te mudares le laces andăc than le nasulesa?
Cadea si te cheres le lacesa sar le nasulesa?
Dur tutar codoi buchi,
dur tutar!
Cova cai crisil saorî phuv
ni va cherela ov ciacimos?
—
27 Îndrăznisardem te dav duma le Raiesa,
cai ni sem mai but sar ăc prafo.
28 Cana mașcar cola peinda gene lace
ni avena pangi,
mudaresa tu andă pangi saoro foro?
— Nai te mudarav,
cana arachava ando foro saranda hai pangi lace.
— Nai te mudarav anda codola saranda gene.
— Nai te mudarav,
cana arachava treanda gene lace.
— Nai te mudarav len anda codola biș.
—
32 Te na holeaos,
rughiv tut Raia,
cana me dava duma mai iech data.
Cana arachadona deș gene lace?
— Nai te mudarav len anda codola deș gene lace.
33 Pala soste dinea duma le Avraamosa,
o Rai teleardeas,
hai o Avraam boldineailo palpale că peo cher.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)