51
Äk rugäćunǎ jertimasqi
(Karing o maj baro le muzikancenqo. Äk gili le Davidosqi. Kana avilos lesθe o prooroko Natan,a 2 Samuel 12:1-15 pala so o David gelosas ke Bat-Śeba.)
Te aves laćho mança, Devl!a,
anθa kodoja kä ki mila aćhol!
Anθa kodoja kä phabol kǒ ilo,
khos mïrä nasulimata!
Thov man ku sǎ kaθar mïrï doś
haj ker man uźo kaθar muro bezex!
Kä ʒanav mïrä nasulimata,
haj muro bezex si totdjauna angla manθe.
Kontra kiri, numa kontra kiri kerdem bezex
haj kerdem so si nasul angla tuθe,
kadǎ kä san ćaćo kana phenes ⸤kä sem dośalo⸥,
haj san uźo anθä ki kris.
Ita kä sem dośalo dä kana kerdinǎjlem,
haj bezexalo dä kana semas kerdo anθä mïrï dej.
Ita, tu kames o ćaćimos anθ-o ilo,
haj keres man te prinʒanav e gogi anθ-o than o garado!
Uźosar man anθa o bezex isopoça,b Numerǎ 19:18; Levitiko 14:1-7* O isopo daśtil te avel sar kana kingǎres busujokoça. haj si te avav uźo,
thov man haj si te avav maj parno dä sar o iv!
Ker man te aśunav veselia haj bukuria,
haj äl kokalǎ kaj ïnkhǎrdǎn len, te bukurin pes!
Garav kǒ muj kaθar mïrä bezexa,
khos saorï doś mïrï!
10 Ker anθä manθe, Devl!a, äk ilo uźo,
haj anθä manθe ker äk duxo nevo kaj aćhol pakjamaça!
11 Na ćhude man kaθar kǒ muj,
haj na le manθar kǒ Duxo Sfïnto!
12 De man pale e bukuria ke mïntujrjaqi,
haj ïnkǎr man äk duxoça kaj kamel te kerel ki voja!
13 Atunć va sikavava ke droma le dośalenqe,
haj äl bezexale va boldena pes tuθe.
14 Xastra man kaθar o rat kaj ćhordem les, Devl!a,
o Del kaj xastraves man!
Haj mïrï ćhib va gilabela bukurǎça kǒ ćaćimos.
15 Muro Raj, putar mïrä uśt,
haj muro muj va gilabela ki lauda!
16 Ni kames źertfa anθa sinǎθe sfïnto, aver felo afi anavas tuqe,
haj ni bukuris tut nić kaθar o phabarimos dä sǎ.
17 Äl źertfe anθa save bukuril pes o Del
si äk duxo smerime.
Devl!a, tu ni dikhes nasul äk ilo smerime haj ïnkhjardo.
18 Anθä kǒ laćhimos, ker miśto le Sionosqe
haj vazde äl ziduri le Jerusalimosqe!
19 Atunć si te aven źertfe ćaće anθa-l sini sfïnto,
phabarimos haj źertfa dä sǎ anθa save va bukurisa tut,
atunć va phabola pä kǒ altari guruva.

a^ 2 Samuel 12:1-15

b51:7 Numerǎ 19:18; Levitiko 14:1-7

*51:7 O isopo daśtil te avel sar kana kingǎres busujokoça.