14
O Samson alol pesche romni
1 O Samson mucleas pes hai ghelos che Timna hai othe dichleas ăc filisteanca. 2 Cana ghelos pesche chere, phendeas pe dadesche hai pe dache:
— Ande Timna dichlem ăc filisteanca. Acanac len lan manghe dă romni!
3 Lesco dad hai leschi dei phende lesche:
— Ciaces, nai nici ăc giuvli mașcar amaro neamo sau andă saoro poporo amaro, da phires te les tuche romni catar ăl filisteia cola bicinde tele?
Dar o Samson phendeas pe dadesche:
— Lan te len lan manghe, că man placiol man latar!
4 Lesco dad hai leschi dei ni gianenas că e buchi cadaia sas catar o Rai, savo rodelas ăc motivo contra le filisteaenghi. Ando timpo codova ăl filisteia stăpîninas po Israelo.
E abghin anda o hoito le leeosco
5 O Samson ghelos che Timna pe dadesa hai pe dasa. Cana aresle căl reza le Timnache, dich, înclistos lesche anglal ăc leeo tărno răcnindos. 6 O Duho le Raiesco avilos zuralimasa pă leste hai ov pharadeas le leeos sar ăc iedos, bi chancesco andăl vast. Hai ni phendeas pe dadesche hai pe dache so cherdeasas. 7 Pala codoia ghelos te del duma le giuvleasa, hai les placiuia les latar.
8 Pala ăc timpo riasailos te lel lan dă romni, hai dineas pes rigate anda o drom caște dichel o stîrvo le leeosco. Hai ita că ando stîrvo le leeosco sas ăc roio birondeango hai abghin. 9 Încaladeas e abghin le vastesa hai handos teleardeas mai dur.a Numerea 6:6 Hai cana areslos că peo dad hai că pi dei, dineas len i len, hai hale i on. Ni phendeas lenghe că încaladeasas e abghin anda o stîrvo le leeosco* O stîrvo le leeosco cherdeas e abghin mahrime..
O abeav hai e ghicitoarea le Samsonoschi
10 Pala codoia lesco dad ghelos che giuvli codoia caște manghel lan. Othe o Samson cherdeas ăc abeav, căci cadea obișnuiinas ăl tărne. 11 Cana codola othar dichle les, dine mui treanda manuș te beșen lesa. 12 O Samson phendeas lenghe:
— Muchen man te phenav tumenghe ăc ghicitoarea. Cana va daștina te ghicin lan andăl iefta ghes le petrecereache, va dava tumen treanda gada inosche hai treanda haine lace. 13 Dar cana ni daștina te ghicin lan, atunci va dena man tume treanda gada inosche hai treanda haine lace!
On phende lesche:
— Phen amenghe e ghicitoarea te așunas lan!
14 Ov phendeas lenghe:
— Anda cova cai hal, înclistos hamos, anda o zuralo înclistos guglo.
Timpo trine ghesengo ni daștisaile te ghicin e ghicitoarea. 15 Andă le ștarengo ghes phende le romneache le Samsonoschi:
— Guguiisar che romes te phenel amenghe e ghicitoarea, aver felo va dasa iag i tut hai i che famelia! Dinen amen mui cathe caște cioraren amen?
16 Hai e romni le Samsonoschi rovelas pașa leste hai phenelas lesche:
— Ciaces tu uros man hai ni iubis man. Phendean ăc ghicitoarea colenghe anda muro poporo, hai manghe ni phendean so hacheardeol!
Ov phendeas lache:
— Dich, ni phendem lan nici mîră dadesche hai mîră dache, sar te phenav lan tuche?
17 Dar oi ruias pașa leste andă saoră iefta ghes le abeavesche. Cana aresle andă le ieftango ghes, ov, pentru că mereeo holearelas les, phendeas lan lache. Pala codoia oi phendeas sar hacheardeol e ghicitoarea le manușănghe anda laco poporo. 18 Andă le ieftango ghes, gi cai te perel o cham, ăl manuș anda o foro phende lesche:
— So si mai guglo dă sar e abghin hai so si mai zuralo dă sar o leeo?
Dar ov phendeas lenghe:
— Ta na fi arisardenas mîră vițauasa, ni afi ghicisardenas mîrî ghicitoarea.
19 O Duho le Raiesco avilos zuralimasa pă leste hai ov ghelos co foro le filisteiengo Așchelon. Mudardeas treanda gene anda lenghe manuș hai lileas lenghe buchea. Dineas ăl haine colen cai ghicisardesas e ghicitoarea, hai holeame risailos ando cher pe dadesco. 20 E romni le Samsonoschi sas dini că iech anda cola cai sas lesa, lesco amal.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.