1 Ciavorale, ramov tumenghe cadal buchea ta na cheren bezeh. Dar, cana daconiva cherel bezeh, si amen con del duma le Dadesa anda amende, si o Isus Cristos, o ciacio. 2 Ov si e jertfa anda amare bezeha. Hai na numa anda amare bezeha, hai saoră lumeache.

3 Prin cadaia gianas că pringianas les: cana cherasa so ov poruncil. 4 Con phenel: „Pringianav les”, hai ni inchearel so ov poruncil si ăc ohamno hai o ciacimos nai andă leste. 5 Dar con cherel so ov phenel, o Del pherel les dragosteasa caște iubil les ciaces. Prin cadaia gianas că seam andă leste: 6 o manuș cai phenel că aciol andă leste trăbul i ov te trail sar traiisailos ov.

7 Mîră gugle, ni ramov tumenghe ăc porunca nevi, hai ramov tumenghe ăc porunca phurani, savi sas tumen dă anglal. E porunca e phurani si o cuvînto savo așunden les. 8 Dar i cadea, ramov tumenghe ăc porunca nevia Ioan 13:34, hai cadaia si ciaces, anda leschi viața, hai i anda tumari viața, că o tunearico hasaol, hai e lumina ciacii deja strălucil.

9 O manuș cai phenel că si ande lumina, hai urol pe phrales, sar mai si ando tunearico. 10 O manuș cai iubil pe phrales aciol ande lumina hai andă leste nai chanci cai te cherel les te perel. 11 Dar o manuș cai urol pe phrales si ando tunearico, phirel ando tunearico hai ni gianel caring gial, că o tunearico corardea lesche iacha.

15 Na iubin e lumea, nici so si andai lumea! Cana daconiva iubil e lumea, e dragostea le Dadeschi nai andă leste. 16 Că sea so si ande lumea: so camel e firea bezehali, so camen amare iacha hai e mîndria le viațachi nai catar o Dad, hai si andai lumea. 17 E lumea nachel hai i lachi pofta dar cova cai cherel e voia le Devleschi aciol pentru totdeauna. 18 Ciavale, si o ciaso o mai paluno. Pala sar așunden că si te avel o dușmano le Cristososco, acanac aviles but dușmaia le Cristososche. Cadea gianas că si o ciaso o paluno. 19 Teleardes mașcar amende, dar nas anda amare. Că, te afi sas anda amare, afi acilesas amența. Dar teleardes caște sicadeol că nici iech anda lende nai amarestar. 20 Dar tume senas machle catar o Sfînto hai tume sea gianen o ciacimos.b Ieremia 31:34 21 Ramosardem tumenghe na că ni gianen o ciacimos, hai pentru că gianen les hai gianen că nici ăc ohaiimos ni avel anda o ciacimos. 22 Con si o ohamno? Cova cai phenel că o Isus nai o Cristos.* O Cristos insemnol „o thagar machlo catar o Del, o thagar savo o Del dinea drom”. Codova si o dușmano le Cristososco, savo dinea rigate le Dades hai i le Ciaves. 23 Sea cola cai dinea rigate le Ciaves nai len nici le Dades. Cova cai phenel te așundeol că pacheal ando Ciavo, si les i le Dades. 24 Cabor anda tumende, so așunden dă anglal, te aciol andă tumare ile! Cana aciola andă tumare ile so așunden dă anglal, i tume va aciona ando Ciavo hai ando Dad. 25 Hai cadaia si e făgăduința savi cherdea lan amenghe ov: e viața veșnico.

26 Ramosardem tumenghe cadal buchea caște gianen anda cola cai camen te tharen tumen. 27 Cabor anda tume, o machlimos savo lilen les lestar, aciol andă tumende, cadea că ni trăbul te sicavel tumen daconiva. Hai lesco machimos sicavel tumen anda saoră buchea, si o ciacimos hai nai ohaimos. Hai cadea sicadea ov tumenghe: acion andă leste.

28 Hai acanac, ciavorale, acion andă leste, anda codoia că cana va sicadeola ov, te avas bi daraco hai ta na avela amenghe lagiavo angla leste cana va avela palpale. 29 Cana gianen că ov si ciacio, gianen i că sea cai cheren o ciacimos si ăl ciave le Devlesche.