149
Bukurin tumen khelindos hai ghilabandos le Raieske!
ghilaben leske laude mașkar ăl manuș, savenghi mila aciol karing leste!
2 Te bukuril pes o Israelo katar kova kai kerdea les,
te veselin pes kola kai beșen ando Siono katar lengo thagar!
3 Te lăudin lesko anav khelimasa,
te ghilaben leske le tamburimasa hai le harfasa!
4 Kă le Raies placiol les lesko poporo,
hai hureael șukar kolen kai nai zurale hastraiimasa.
5 Katar kadaia cinstea te bukurin pes kola savenghi mila aciol karing leste,
hai te ghilaben bukuriatar andă pe paturi!
6 Ăl laude le Devleske te aven andă lengo mui
hai ăk sabia askuțime andă lengo vast
7 kaște răzbunin pes păl neamuri anda nasulimos kerdo
hai te pedepsin le poporean!
8 Kaște phanden lenghe thagaren lanțurența
hai lenghe baren kătușența sastrenghe,
9 kaște kerdeol kontra lenghi e kris kai si ramome!
Kadaia si ăk cinstea anda saoră savenghi mila aciol karing leste.
Lăudin le Raies!† Ando originalo si: „Aleluia!”
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.