43
1 Ker manghe ciacimos, Devla,
ajutisar man andă mîrî kauza kontra ăk neamoski bi pakeamasko!
Hastra man katar ăl manuș ohamne hai nasul!
2 Kă tu san o Del kai san mîrî azăvada:
anda soste gonis man?
Soste orkai giav, giav rovindos prigonime katar o dușmano?
3 De drom ki lumina hai keo ciacimos, kaște phiraven man
hai te înghearen man kă keo plai o sfînto hai ko than ke beșimasko!
4 Atuncia va giava ko altari le Devlesko,
ko Del kai kerel man te bukuriv man but mai but.
Va lăudiva tut le harfasa, Devla, muro Del!
5 Soste san tristo, muro ilo,
hai soste vakis andă ma?
Ajukear le Devles, kă pale va lăudiva les,
mîrî mîntuirea, muro Del!
CC BY-NC-ND 3.0 È possibile condividere e ridistribuire questa traduzione della Bibbia o degli estratti di essa in qualunque formato, a condizione che:
- vengano incluse le informazioni sul copyright sovrastanti.
- Questo lavoro non venga utilizzato a scopo pubblicitario o di lucro.
- Non vengano modificate le parole o la punteggiatura delle Scritture.