23
O Rai si muri păstori hai ov si manța
(Ăk ghili le Davidoski)
1 O Rai si muro păstori,
nai te înghearav lipsa khanceski.
2 Del man odihna p-e ciar e zeleno,
înghearel man kăk than pașa o pai kaște odihniv man,
3 hai zurearel muro sufleto.
Înghearel man păl droma lace,* O originalo mai daștil te hakeardeol: „păl droma le ciacimaske”.
dindos onoarea pe anaveske.
4 Kear kana phirava ande har e mai kali,
ni darav katar nici ăk nasulimos,
kă tu san manța.
Ki rovli hai ki raiorî
zurearen hai mîngîin man.
5 Cius sinia anda mande,
hai mîră dușmaia dikhen.
Makhes muro șăro untdelemnosa,
hai muro paharo si pherdo da ciordol anda leste.
6 Ciaces, o lacimos hai e mila le Devleski si te aven manța
andă saoră ghesa mîră viațake,
hai va beșava ando kher le Raiesko
kabor traiv.
CC BY-NC-ND 3.0 Másolhatod és terjesztheted a művet bármilyen módon vagy formában. Az alábbi feltételekkel:
- A szerzőt megfelelően fel kell tüntetned, hivatkozást kell létrehoznod a licencre.
- A mű nem használható fel kereskedelmi célokra.
- A mű nem módosítható és nem készíthető belőle átdolgozás, származékos mű.