7
E phuv tasadi
1 O Rai phendeas le Noiaske:
— Întrisar ande korabiia, tu hai saoro kher kiro, kăci numa tut dikhlem tut ăk manuș ciacio angla mande mașkar kola anda ki vremea. 2 Le tusa po iefta giute anda saoră animalea uje, ăk giuto anda ăl animalea kai nai uje, murș hai giuvli, 3 hai sa po iefta giute anda saoră ciriklea le ceroske, murș hai giuvli, kaște acion giuvinde fiosavo soio pă saorî phuv! 4 Kă pala iefta ghes si te kerav te del brîșînd p-e phuv saranda ghes hai saranda reakea. Kadea va khosava pa-i phuv sea so kerdem kai trail.
5 O Noia kerdeas sea so poruncisardea leske o Rai. 6 Le Noias sas les șov șăla bărș kana sas tasadi e phuv.
7 O Noia întrisailos ande korabiia pe ciavența, pe romneasa hai le romneanța leske ciavenghe ta na taseon. 8 Andal animalea uje hai andal animale kai nai uje, andal ciriklea hai anda sea kai tîrîl pes p-e phuv, 9 întrisailes ande korabiia ko Noia po dui, murș hai giuvli, kadea sar poruncisardeasas o Del le Noiaske. 10 Pala iefta ghes aviles ăl paia te tasaen e phuv. 11 Ando bărș le șove șălengo andai viața le Noiaski, ande le duiengo cion, ando ghes le deșieftango le cionesko, ando ghes kodova cindineales ăl izvorea le bare adînkoske hai putardes ăl stăvilarea le ceroske. 12 Dineas brîșînd p-e phuv saranda ghes hai saranda reakea.
13 Ando ghes kodova întrisailes ande korabiia: o Noia, o Sem, o Ham hai o Iafet, ăl ciave le Noiaske, e romni le Noiaski hai lența i ăl trin romnea leske ciavenghe, 14 on hai saoră giuvindimata sălbaticea pala lengo soio, saoră animalea pașa o kher pala lengo soio, saoră animalea țîine kai mișkin p-e phuv pala lengo soio, sea so hurean pala lengo soio, saoră ciriklea, sea so si len phakea. 15 Întrisailes ko Noia ande korabiia giute anda sea so si giuvinde, sea so phurden. 16 Murș hai giuvli întrisailes anda sea so si giuvinde, pala sar poruncisardeasas o Del le Noiaske. Pala kodoia o Rai phandadeas o udar pala leste.
17 E phuv sas tasadi saranda ghes, o pai bareolas hai vazdeas e korabiia hai oi uștilis opre pa-i phuv. 18 O pai kerdolas baro hai barilos but p-e phuv, hai e korabiia pluteaias po pai. 19 O pai barilos sa mai but, hai saoră plaia ăl bare kai si tala saoro ceri, sas uciarde. 20 Deșupange kuianța areslos o pai pa lende, uciardeas ăl plaia. 21 Hai mules sea so sas giuvindo kai mișkealas p-e phuv, kadikita ăl ciriklea, kabor i ăl animalea pașa o kher hai animalea sălbaticea, sea so tîrîlas pes p-e phuv hai saoră manuș. 22 Sea so phurdenas, sea so sas p-e phuv șuki, mulos. 23 Sea so sas giuvinde p-e phuv sas khosle, manuș, animalea, animalea țîine hai ăl ciriklea le ceroske. Sas khosle pa-i phuv. Ni acilos dekît o Noia hai kola kai sas lesa ande korabiia. 24 O pai sas baro p-e phuv ăk șăl hai peinda ghes.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.