32 gilǎ anθa-i Biblia
(Äl salmi 1; 2; 23; 34; 37; 40; 42; 43; 50; 51; 53; 71; 100—106; 110; 115; 116; 121; 122, 127, 130, 139, 142, 147-150)
1
O manuś o ćaćo haj äl manuś kaj keren nasul
1 Baxtalo si o manuś savo ni ʒal k-o sfato kolenqo kaj keren nasul
haj ni phirel p-o drom le bezexalenqo
haj ni beśel tele p-o skauno kolenqo save asan kaθar o Del.
2 Dar arakhel pi pläćerǎ anθ-o sikaimos le Rajesqo
haj o ges haj e rǎt gïndil pes kä lesqo sikaimos.
3 Si sar äk pomo ćhutino paśa äk pïrïo,
savo del pǒ rodo kana träbul
haj lesqe patrǎ ni śukǒn:
sǎ so kerel, va sporila.
4 Na sa kadǎ si kolença kaj keren nasul,
haj si sar e pleava, savi phurdel lan e braval.
5 Kodolasqe kola kaj keren nasul ni va aćhona anθä pïrnenθe anθä orso kris,
nić äl bezexale anθ-o kidimos le ćaćenqo.
6 Kä o Raj vardil p-o drom le ćaćenqo,
dar o drom kolenqo kaj keren nasul va ïngǎrela len k-o xasarimos.
CC BY-NC-ND 3.0 Puteți copia și redistribui această lucrare în orice format sau prin orice mediu - fără de a o modifica conținutul - cu atribuția corespunzătoare și sub aceeași licență. Sub următorii termeni: Trebuie să acorzi creditul potrivit. Nu puteți folosi această operă în scopuri comerciale. Dacă reajustați, transformați sau construiți pe baza lucrării, nu veți putea distribui lucrarea modificată, în nici un mod sau context.