27-29 Kádo hin o történetosz pá lé Tárészkro családosz. Lé Tárész hász lész trin csávé: o Ábrám, o Náhor the o Hárán. Lé Háránosz hász lész trin csávé: o Lot, i Milká the i Jiszká. O Hárán mujász ánglá pészkro dád o Táré, ká kodo thém pészkré nyámoszkro, án lé káldééngro forosz Ur. O Náhor lijá lá Milká rromnyáké, lé Háránoszkrá csá. O Ábrám lijász pészké rromnyá lá Száraivá.* Szár hin irimén án hebráiká, té kide sej ávél télé riszárdo: „O Táré kérgyász lé Ábrámosz, lé Náhorosz the lé Háránosz. The o Hárán kérgyász lé Lotosz. O Hárán mujász ánglá pészkro dád o Táré, ká kodo thém pészkré családoszkro, án lé káldééngro forosz Ur. O Ábrám the o Náhor lilé péngé rromnyán. Lé Ábrámoszkri rromnyi bicsijász Szárai, the lé Náhoroszkri rromnyi bicsijász Milká. Voj hász i cséj lé Háránoszkri, kon hász lá Milkákro the lá Jiszkákro dád.” 30 The i Szárai ná dzsángjász té kérél ciné csávén, the ná hász lá ciné csávé. 31 O Táré hhunyász pészkré csász lé Ábrámosz, lészkrá rromnyá lá Száraivá, the lé Lotosz, pészkré unokávosz, lé Háránoszkré csász† Szár hin irimén án hebráiká, té kide sej ávél télé riszárdo: „O Táré hhunyász pészkré csász lé Ábrámosz, the lé Lotosz (pészkré unokávosz, lé Háránoszkré csász) the pészkrá borá lá Szárai (lészkré csávészkrá, lé Ábrámoszkrá rromnyá).”, the gijász léncá ándrá lé káldééngro forosz Ur té dzsán án thém‡ Thém = országosz Kánaán, de káná othé riszlé án forosz Hárán, othé béslé. 32 Káná hász lész duj săl the páncs bors, o Táré mujász án Hárán.