O salmo 149
Bucurin tumen chelindos hai ghilabandos le Raieske!
1 Lăudin le Raies!
a Ghilaben le Raieske ăc ghili nevi,
ghilaben lesche laude mașcar ăl manuș,
savenghi mila aciol caring leste!
2 Te bucuril pes o Israelo catar cova cai cherdea les,
te veselin pes cola cai beșen ando Siono catar lengo thagar!
3 Te lăudin lesco anav chelimasa,
te ghilaben lesche le tamburimasa hai le harfasa!
4 Că le Raies placiol les lesco poporo,
hai hureael șucar colen cai nai zurale hastraiimasa.
5 Catar cadaia cinstea te bucurin pes cola savenghi mila aciol caring leste,
hai te ghilaben bucuriatar andă pe paturi!
6 Ăl laude le Devlesche te aven andă lengo mui
hai ăc sabia ascuțime andă lengo vast
7 caște răzbunin pes păl neamuri anda nasulimos cherdo
hai te pedepsin le poporean!
8 Caște phanden lenghe thagaren lanțurența
hai lenghe baren cătușența sastrenghe,
9 caște cherdeol contra lenghi e cris cai si ramome!
Cadaia si ăc cinstea anda saoră savenghi mila aciol caring leste.
Lăudin le Raies!b
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)