O salmo 142
De mui co Del!
Ăc ghili le Davidoschi, cana sas and-e peștera, ăc rugăciunea.a
1 Ando mui o baro dav mui co Rai,
ando mui o baro mangav mila catar o Rai.
2 Ciorav muro roiimos angla leste,
dav duma anda muro pharimos angla leste.
3 Cana muro duho lășinil andă mande,
tu vardis pă muro drom.
Po drom pă savo phirav
ciutea pes ăc capcana anda mande.
4 Dich că mîrî ciacii,
hai dich că nai conic,
conic ni ajutil man!
Nai man cai te hastrav,
coniva ni camel te gianel mandar.
5 Raia,
caring tute dav mui!
Phenav:
tu san mîrî azăvada,
sea so camav pe phuv cadaia.
6 Le seama cana dav mui,
că sem perado dă sea!
Hastra man catar cola cai nașăn pala mande,
că si mai zurale dă sar mande!
7 Încal man anda o phandaiimos,
caște naiv che anavesche!
Atunci ăl ciace va chidina pes pașa mande,
că si te cheres manghe mișto.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)