O salmo 122
Hai te gias co cher le Raiesko hai te rughis amen anda leste!
Ăc ghili cana uștenas co Ierusalimo. Ăc ghili le Davidoschi.
1 Bucurisailem cana phendineailos manghe:
„Te gias co cher le Raiesko!”
2 Hai acanac amare pîrne beșen andră,
că che porți,
Ierusalime.
3 O Ierusalimo si vazdino sar ăc foro
cai chiden pes ăl manuș andăc than.
4 Cathe ușten ăl neamuri,
ăl neamuri cai închinon pes le Raieske,
caște lăudin lesco anav,
pala sar poruncisardeas le Israelosche.a
5 Cathe beșen păl scauia le thagarimasche
ăl ciave le Davidosche,
caște crison le poporos.
6 Rughin tume andai pacea le Ierusalimoschi:
„Colen cai iubin tut,
Ierusalime,
te avel len liniștea!
7 E pacea te avel mașcar che ziduri
hai e liniștea andă che chera bare hai zurale!”
8 Ando drago mîră phralengo
hai mîră amalengo phenav:
„Te avel pacea andă tute!”
9 Ando drago le cheresco le Raiesko,
amare Devlesco,
rughiv man anda cheo miștimos.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)