O salmo 103
Muro ilo te binecuvintil le Raies
Ăc ghili le Davidoschi
1 Binecuvintisar,
muro ilo,
le Raies,
hai sea so si andă mande te binecuvintil lesco anav o sfînto!
2 Binecuvintisar,
muro ilo,
le Raies,
hai na bistar saoră buchea lace save cherdea len tusa!
3 Ov iertil saoră bezeha chire,
sastearel saoră nasfalimata chire.
4 Hastravel chi viața anda o mulimos,
ciul pi mila cai aciol hai pi îndurarea
sar coroana pă cheo șăro
5 hai ciailearel tut lacimasa cabor trais
ca te cherdeos tărno pale sar vulturo.
6 O Rai cherel o ciacimos,
cherel cris anda cola cai si ușteade andăl pîrne.
7 Sicadeas pe droma le Moiseasche
hai pe buchea le israelițenghe.
8 O Rai si pherdo dragostea hai lacimos,
ni holeaol sigo hai leschi but mila aciol.a
9 Ni va hala pes întotdeauna
hai ni va închearela holi pă veci.
10 Ni cherel amenghe pala amare bezeha,
ni pochinel amen pala amari doș.
11 Cabor si o ceri dă opre catar e phuv,
cadichi dă zurali si leschi mila cai aciol caring cola cai daran lestar.
12 Cabor dă dur si cai înclel o cham catar cai perel,
cadichi dă but durearel ov amendar amari doș.
13 Hai sar si ăc dades mila catar pe ciave,
cadea si mila le Raies catar cola cai daran lestar.
14 Că gianel anda soste seam cherde,
anel pesche goghi că seam phuv.
15 E viața le manușănghi si sar e ciar.
Înfloril sar e lulughi poa cîmpo,
16 hai cana șuchearel lan ăc braval,
ma nai,
ni mai dicheol.
17 Dar e mila le Raieski cai ni termenil pes si danglal
hai si pentru întotdeauna anda cola cai daran lestar,
hai lesco ciacimos aciol anda ăl ciave lenghe ciavenghe,
18 anda cola cai păzin lesco phanglimos
hai anen pesche goghi catar lesche porunci,
caște cheren len.
19 O Rai laciardeas peo scauno le thagarimasco ando ceri
hai ov stăpînil pă sea.
20 Binecuvintin le Raies,
lesche îngerea,
tume ăl zurale cai cheren leschi vorba
hai cai așunen catar o glaso lesche vorbaco!
21 Binecuvintin le Raies,
saorî armata leschi,
lesche slujitorea,
save cheren leschi voia!
22 Binecuvintin le Raies,
saoră buchea lesche,
orcai si thagar!
Binecuvintisar,
muro ilo,
le Raies!
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)