O salmo 51
Ăc rugăciunea iertimaschi
(Caring o mai baro le muzicanțengo. Ăc ghili le Davidoschi. Cana avilos leste o prooroco Natan,a pala so o David ghelosas ch-e Bat-Șeba.)
1 Te aves lacio manța,
Devla,
anda codoia că chi mila aciol!
Anda codoia că phabol cheo ilo,
chos mîră nasulimata!
2 Thov man cu sea catar mîrî doș
hai cher man ujo catar muro bezeh!
3 Că gianav mîră nasulimata,
hai muro bezeh si totdeauna angla mande.
4 Contra chiri,
numa contra chiri cherdem bezeh
hai cherdem so si nasul angla tute,
cadea că san ciacio cana phenes că sem doșalo,
hai san ujo andă chi cris.
5 Ita că sem doșalo dă cana cherdineailem,
hai bezehalo dă cana semas cherdo andă mîrî dei.
6 Ita,
tu cames o ciacimos ando ilo,
hai cheres man te pringianav e goghi ando than o garado!
7 Ujosar man anda o bezeh isoposa,
cb hai si te avav ujo,
thov man hai si te avav mai parno dă sar o iv!
8 Cher man te așunav veselia hai bucuria,
hai ăl cocalea cai încheardean len,
te bucurin pes!
9 Garav cheo mui catar mîră bezeha,
chos saorî doș mîrî!
10 Cher andă mande,
Devla,
ăc ilo ujo,
hai andă mande cher ăc duho nevo cai aciol pacheamasa!
11 Na ciude man catar cheo mui,
hai na le mandar cheo Duho Sfînto!
12 De man pale e bucuria che mîntuireachi,
hai închear man ăc duhosa cai camel te cherel chi voia!
13 Atunci va sicavava che droma le doșalenghe,
hai ăl bezehale va boldena pes tute.
14 Hastra man catar o rat cai ciordem les,
Devla,
o Del cai hastraves man!
Hai mîrî cib va ghilabela bucuriasa cheo ciacimos.
15 Muro Rai,
putar mîră ușt,
hai muro mui va ghilabela chi lauda!
16 Ni cames jertfa andai sinia sfînto,
aver felo afi anavas tuche,
ni bucuris tut nici catar o phabarimos dă sea.
17 Ăl jertfe anda save bucuril pes o Del
si ăc duho smerime.
Devla,
tu ni diches nasul ăc ilo smerime hai încheardo.
18 Andă cheo lacimos,
cher mișto le Sionosche
hai vazde ăl ziduri le Ierusalimosche!
19 Atunci si te aven jertfe ciace andal sini sfînto,
phabarimos hai jertfa dă sea anda save va bucurisa tut,
atunci va phabola pă cheo altari guruva.
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)