O salmo 148
Te lăudin le Raies sea so kerdeas ov!
1 Te lăudin le Raies!
a
Te lăudin le Raies anda o ceri!
Te lăudin les andăl thana uce!
2 Te lăudin les,
saoră îngerea leske!
Te lăudin les,
saoră oștiri leske!
3 Te lăudin les tume,
khama hai cionot!
Te lăudin les,
saoră steale kai luminin!
4 Te lăudin les tu,
cerona,
kai san mai baro,
hai tume,
paia kai san mai opre dă sar o ceri!
5 Te lăudin o anav le Raiesko,
kă ov poruncisardeas,
hai sas kerde!
6 Ciutea len andă lengo than te aven othe totdeauna.
Dinea len ăk krisimos kai ni va nakhela.
7 Te lăudin le Raies pai phuv,
bare giuvindimata le bare paieske,
hai saoră adînkuri!
8 Iag hai brîșînd barăsa,
iv hai ceața,
braval zurali kai keres so phenel ov!
9 Munți hai saoră plaia,
dafia kai keren rodo hai saoră cedrea,
10 giuvindimata sălbaticea
hai saoră animalea pașa o kher,
animalea țîine hai ciriklea phakeanța,
11 ăl thagara le phuiake hai saoră poporea,
ăl mai bare hai saoră bare krisitorea pe phuv,
12 tărne hai tărnea,
phure hai ciave!
13 On te lăudin o anav le Raiesko!
Kă numa lesko anav si baro,
leski slava si opral pai phuv hai poa ceri.
14 Ov kerdeas pe poporos zuralo:
kaște lăudin les kola savenghi mila aciol karing leste:
ăl israelițea,
o poporo pașa leste.
Lăudin le Raies!b
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)