O salmo 115
Ciu keo pakeamos ando Rai!
1 Na amen,
Raia,
na amenghe,
hai ke anaveske an slava,
anda ki mila kai aciol,
anda keo pakeamos!
2 Soste phenen ăl neamuri:
— Kai si o Del le Israelosko?
3 Amaro Del si ando ceri,
ov kerel sea so kamel.
4 Lenghe idolea si rupo hai sumnakai,
kerde manușăndar.
5 Si len mui dar ni den duma,
si len iakha dar ni dikhen,
6 si len kan dar ni așunen,
si len nakh dar ni khanden,
7 si len vast dar ni pipăin,
si len pîrne dar ni phiren.
Anda lenghi kor ni așundeol khanci.
8 Sar lende si te aven kola kai keren len,
sea kai ciun peo pakeamos andă lende.
9 Israel,
ciu keo pakeamos ando Rai!
Ov si lengo ajutori hai lengo skuto!
10 O kher le Aronosko,
ciu keo pakeamos ando Rai!
Ov si lengo ajutori hai lengo skuto!
11 Tume kai daran katar o Rai,
ciun tumaro pakeamos ando Rai!
Ov si lengo ajutori hai lengo skuto.
12 O Rai ni bistrel amen,
ov va binekuvintila,
va binekuvintila o kher le Aronosko.
13 Va binekuvintila kolen kai daran katar o Rai,
katar ăl țîine hai gi kăl bare.
14 O Rai te butearel tumen,
i tumen hai i tumare ciaven!
15 Aven binekuvintime katar o Rai,
kai kerdeas o ceri hai e phuv!
16 O ceri si o ceri le Raiesko,
hai e phuv dinea lan le ciavenghe le Adamoske.
17 Na ăl mule laudin le Raies,
na kola kai mukle pes ando than kai ni așundeol khanci,
18 hai ame,
ame va binekuvintisa le Raies,
dakanara hai totdeauna.
Lăudin le Raies!a
Această lucrare vă este pusă la dispoziţie prin ashunledevles.eu.org, sub licență Creative Commons Atribuire-Necomercial-FărăModificări 3.0. Puteți copia și redistribui această lucrare în orice format sau prin orice mediu - fără de a modifica conținutul - cu atribuția corespunzătoare și sub aceeași licență. Nu poți folosi această operă în scopuri comerciale.
This version of the recording was created by the copyright owners specially for distribution by ashunledevles.eu.org, under a Creative commons Attribution Non-commercial No Derivitives 3.0 Licence. Do not alter it, do not use it commercially, but do share it please (under the same conditions)