🏠 <     Alfabeto rromano o internacionalo     Alfabeto le literasa „c”
O salmo 53
O dilimos le manușăngoa
Karing o mai baro le muzikanțengo. Ăk mahalato.b Ăk ghili le Davidoski.
1 O dilo phenel andă peo ilo:
„Nai Del!”
Rimosailes ăl manuș,
kerdes rimomata nasul,
nai nici iekh kai te kerel mișto.
2 O Del dikhel anda o ceri păl ciave le manușănghe,
kaște dikhel kana si da iekh savo si gogheasa,
savo te rodel le Devles.
3 Dar sea dine pes rigate,
sea andăk than rimosailes,
nai nici iekh kai te kerel mișto,
nai nici iekh.
4 „Ma nai len goghi kolen kai keren bezeh?
Han mîră poporos sar han o marno,
hai ni den mui le Devles.”
5 Te izdran daratar,
kear kai ni trăbulas te daran,
kă o Del ciudel andă saoră riga
ăl kokalea kolenghe kai aven kontra kiri,
keres len lagiaveske,
kă o Del ciudea len pestar.
6 Kas va dela drom anda o Siono
kaște hastravel le Israelos
kana o Del va binekuvintila pale pe poporos?
Te bukuril pes o Iakov,
te avel fericime o Israel!