142
De muj k-o Del!
Äk gili le Davidosqi, kana sas anθ-e peśtera, äk rugäćunja.a 1 Samuel 22:1-2
Anθ-o muj o baro dav muj karing o Raj,
anθ-o muj o baro mangav mila kaθar o Raj.
Ćorav muro roimos angla lesθe,
dav duma anθa muro pharimos angla lesθe.
Kana muro duxo läśinil anθä manθe,
tu vardis pä muro drom.
P-o drom pä savo phirav
ćhutǎ pes äk kapkana anθa manθe.
Dikh kä mïrï ćaći, haj dikh ⸤kä naj konik,⸥
konik ni aźutil man!
Naj man kaj te xastrav,
koniva ni kamel te ʒanel manθar.
Raja, karing tuθe dav muj!
Phenav: tu san mïrï azävada,
sǎ so kamav pe phuv kadaja.
Le sǎma kana dav muj,
kä sem perado dä sǎ!
Xastra man kaθar kola kaj naśän pala manθe,
kä si maj zurale dä sar manθe!
Ïnkal man anθa o phandaimos,
kaśte naiv ke anavesqe!
⸤Atunć⸥ äl ćaće va kidina pes paśa manθe,
kä si te keres manqe miśto.

a^ 1 Samuel 22:1-2