122
Haj te ʒas k-o kher le Rajesqo haj te rugis amen anθa lesθe!
Äk gili kana uśtenas k-o Jerusalimo. Äk gili le Davidosqi.
Bukurisajlem kana phendinǎjlos manqe:
„Te ʒas k-o kher le Rajesqo!”
⸤Haj akanak⸥ amare pïrne beśen andrä, kä ke porci, Jerusalime.
O Jerusalimo si vazdino sar äk foro
kaj kiden pes äl manuś anθ-äk than.
Kathe uśten äl nǎmuri,
äl nǎmuri kaj ïnkinon pes le Rajesqe,
kaśte läudin lesqo anav,
pala sar porunćisardǎs le Israelosqe.a Deuteronomo 16:16-17
Kathe beśen p-äl skauja le thagarimasqe
äl ćhave le Davidosqe,
kaśte krison le poporos.
Rugin tume anθa-i paćja le Jerusalimosqi:
„Kolen kaj jubin tut, Jerusalime, te avel len liniśtja!
E paćja te avel maśkar ke ziduri
haj e liniśtja anθä ke khera bare haj zurale!”
Anθ-o drago mïrä phralenqo
haj mïrä amalenqo phenav:
„Te avel paćja anθä tuθe!”
Anθ-o drago le kheresqo le Rajesqo, amare Devlesqo,
rugiv man anθa kǒ miśtimos.

a122:4 Deuteronomo 16:16-17