43
Ker manqe ćaćimos, Devl!a,
aźutisar man anθä mïrï kauza kontra äk njamosqi bi pakǎmasqo!
Xastra man kaθar äl manuś oxamne haj nasul!
Kä tu san o Del kaj san mïrï azävada:
anθa sosθe gonis man?
Sosθe orkaj ʒav, ʒav rovindos prigonime kaθar o duśmano?
De drom ki lumina haj kǒ ćaćimos, kaśte phiraven man
haj te ïngǎren man kä kǒ plaj o sfïnto haj k-o than ke beśimasqo!
Atunća va ʒava k-o altari le Devlesqo,
k-o Del kaj kerel man te bukuriv man but maj but.
Va läudiva tut le harfaça, Devl!a, muro Del!
Sosθe san tristo, muro ilo,
haj sosθe vakis anθä ma?
Aźukǎr le Devles, kä pale va läudiva les,
mïrï mïntujrǎ, muro Del!