127
Chanci bi le Raiesko
Ăc ghili cana uștenas co Ierusalimo. Ăc ghili le Solomonoschi.
Cana o Rai ni zidol ăc cher,
anda chanceste cheren buchi cola cai zidon.
Cana o Rai ni păzil ăc foro,
anda chanceste ni soven cola cai păzin les.
Anda chanceste tume ușten detehara andai reat,
hai soven tîrzio hai cheren buchi phari anda tumaro marno.
Ciaces, ov del len marno and-e lindri colen cas iubil.
Ita că ăl ciave si ăc daro catar o Rai,
o rodo le pîntecosco si pochin ⸤lestar⸥.
Sar ăl săgeț ando vast ăc manușăsco zuralo,
cadea si ăl ciave cherde căl tărnimata.
Bahtalo si o manuș cai pherel pi tolba lența,
că nai te avel lenghe lagiavo
cana den duma pe dușmaența che cris
and-e poarta le foroschi.