17
O Isus rughil pes anda peste
Pala so phendeas cadal buchea, o Isus vazdeas pe iacha caring o ceri hai phendeas:
— Dade, avilo o ciaso! Sicav cabor dă baro si cheo Ciavo, ca i cheo Ciavo te sicavel cabor dă baro san tu, pala sar dinean les zuralimos pă saoră manuș, caște del len viața veșnico saorăn colen saven dinean len lesche tu. Hai cadaia si e viața veșnico: te pringianen tut tut, o corcoro Del ciacio, hai ⸤man⸥, le Isusos Cristos. Me sicadem cabor dă baro san tu pe phuv, că termenisardem e buchi savi dinean lan manghe te cherav lan. Hai acanac, Dade, sicav cabor dă baro sem me angla tute, cabor dă baro semas tusa gi cai te avel cherdi e lumea.
O Isus rughil pes anda pe ucenicea
Cherdem pringiando cheo anav le manușănghe save dinean len manghe andai lumea. Chire sas on, hai tu dinean len manghe hai on așundes catar che vorbe. Acanac on gianen că sea so dinean man, si tutar, anda codoia că dinem len ăl sicaiimata cai tu dinean len manghe, hai on lile len. Hai ciaces gianen că me avilem tutar hai pachean că tu dinean man drom. Anda lende rughiv man. Ni rughiv man andai lumea, hai anda cola saven dinean len manghe tu, că si chire. 10 Sea so si muro si chiro hai so si chiro si muro. Hai on sicaven cabor dă baro sem me. 11 Me avav tute cadea că ni mai sem and-e lumea, dar on si and-e lumea. Sfîntona Dade, păzisar len andă cheo anav, savo tu dinean les manghe, ca on te aven iech cadea sar seam ame. 12 Cabor timpo semas lența, păzisardem len me andă cheo anav, savo tu dinean les manghe. Păzisardem len me hai ni hasailos nici iech anda lende, numa cova cai trăbulas te hasaol, caște cherdeol so phenel e Scriptura. 13 Dar acanac avav tute, hai phenav cadal buchea cabor mai sem and-e lumea, ca len te avel len mîrî bucuria pherdi andă lengo ilo. 14 Dinem len cheo cuvînto, hai e lumea urosardea len că on nai le lumeache, cadea sar nici me ni sem le lumeaco. 15 Ni rughiv tut te les len andai lumea, hai te păzis len catar o nasul. 16 On nai le lumeache, cadea sar nici me ni sem le lumeaco. 17 Sfințosar len prin o ciacimos! Cheo cuvînto si o ciacimos. 18 Cadea sar tu dinean man drom man and-e lumea, sa cadea dinem len i me drom len and-e lumea. 19 Sfințov man anda lende, codolasche ca i on te aven sfințome ciaces.
O Isus rughil pes anda saoră cola cai va pacheana andă leste
20 Me ni rughiv man numa anda lende, hai i anda cola cai va pacheana andă mande cana așunen lenghe vorbe, 21 ca sea te aven iech, cadea sar tu, Dade, san andă mande, hai me sem andă tute. Rughiv man ca on te aven andă amende, ca e lumea te pacheal că tu dinean man drom. 22 Dinem len e slava savi tu dinean lan manghe, ca on te aven iech, sa cadea sar ame seam iech. 23 Me andă lende, hai tu andă mande, ca on te cherdeon ciaces iech, hai e lumea te gianel că tu dinean man drom hai că iubis len, sar iubis man i man. 24 Dade, camav ca othe cai sem me te aven i cola saven dinean len manghe, ca on te dichen mîrî slava, e slava savi dinean lan manghe tu, că iubisardean man mai anglal gi cai te cherdeol e lumea. 25 Ciaceia Dade, e lumea ni pringianel tut, dar me pringianav tut, hai cadala gianen că tu dinean man drom. 26 Cherdem lenghe pringiando cheo anav,a Ioan 12:28 hai si te mai cherav les pringiando, ca e dragostea cai sicadean lan manghe tut, te avel andă lende hai me te avav andă lende.

a17:26 Ioan 12:28